آغا خان فاؤنڈیشن اور بینک الفلاح کا گلگت بلتستان میں سیلاب سے متاثرہ علاقوں کی بحالی کیلئے 66 ملین روپے کے منصوبے کا آغاز

جمعہ 8 مئی 2026 15:07

کراچی (اُردو پوائنٹ اخبارتازہ ترین - این این آئی۔ 08 مئی2026ء) آغا خان فانڈیشن پاکستان نے بینک الفلاح کے اشتراک سے گلگت بلتستان کے سیلاب سے متاثرہ علاقوں میں اہم انفراسٹرکچر کی بہتری اور کمیونٹیز کو مضبوط کرنے کیلئی66ملین روپے مالیت کے ایک بحالی پروگرام کا آغاز کر دیا ہے۔یہ پروگرام اگست 2025 میں مون سون سیلاب سے والی تباہ کاریوں کے بعد شروع کیا گیا ہے، جس کے نتیجے میں خطے میں اچانک سیلاب، مٹی کے تودے، بادل پھٹنے کے واقعات اور گلیشیائی جھیلوں کے پھٹنے جیسے حادثات پیش آئے۔

منصوبے کے تحت ہزاروں گھروں کیلئے پینے کے صاف پانی کی فراہمی کے متعدد منصوبوں کی بحالی، آبپاشی کے نظام کی تعمیر نو، زرعی سرگرمیوں کی بحالی، اور سیلاب سے بچا کے ڈھانچوں کی تعمیر شامل ہے تاکہ آئندہ قدرتی آفات کے خطرات کو کم کیا جا سکے۔

(جاری ہے)

مزید برآں، ہنگامی صورتحال کے لیے موسم سرما کے مطابق خیموں کی فراہمی سے آفات سے نمٹنے کی تیاری کو بہتر بنایا جائے گا، جس میں بینک الفلاح کی جانب سی50 ملین روپے جبکہ آغا خان فانڈیشن کی جانب سی7.05 ملین روپے شامل ہیں۔

اس تحت صاف پانی کی فراہمی، آبپاشی نظام کی بحالی، سیلاب سے تحفظ کے اقدامات اور ہنگامی رہائش کے ذخائر کو بہتر بنایا جائے گا۔ یہ منصوبہ ضلع گلگت، غذر اور ہنزہ میں براہ راست 10 ہزار 600 سے زائد افراد جبکہ بالواسطہ طور پر تقریبا 13 ہزار افراد کو فائدہ پہنچائے گا۔ اس منصوبے میں چترال کے ایک اسکول میں 25 کلوواٹ سولر سسٹم کی تنصیب کے لیی9.3 ملین روپے کی شراکت بھی شامل ہے، جس سے طلبہ اور اساتذہ مستفید ہوں گے۔

بینک الفلاح لمیٹڈ کے صدر اور چیف ایگزیکٹو آفیسر عاطف باجوہ نے پاکستان میں کمیونٹیز کی ترقی میں کردار ادا کرنے کے بینک کے عزم پر زور دیتے ہوئے کہاکہ ہمیں آغا خان فانڈیشن پاکستان کے ساتھ اس اہم بحالی کے اس منصوبے کے آغاز پر فخر ہے، جو ذمہ دارانہ بینکاری اور کمیونٹی میں مثر سرمایہ کاری کے عزم کی عکاسی کرتا ہے۔