ٹھل میں کمسن بچے کے ساتھ مبینہ زیادتی، تین ملزمان گرفتار، سیشن جج نے واقعے کا نوٹس لے لیا

جمعہ 8 مئی 2026 18:54

جیکب آباد (اُردو پوائنٹ اخبارتازہ ترین - این این آئی۔ 08 مئی2026ء) ٹھل میں کمسن بچے کے ساتھ مبینہ زیادتی، تین ملزمان گرفتار، سیشن جج نے واقعے کا نوٹس لے لیا۔

(جاری ہے)

تفصیلات کے مطابق جیکب آباد کی تحصیل ٹھل کے تھانہ اے سیکشن کی حدود میں کمسن بچے کے ساتھ مبینہ زیادتی کرکے ویڈیو ریکارڈ کی گئی ہے ، واقعے کا ایس پی جیکب آباد کیپٹن (ر) فیضان علی نے نوٹس لے لیا ہے، پولیس کے مطابق متاثرہ بچے امن کمار ولد دیپک کمار عمر 12 سال کے چچا زاد بھائی یش کمار کی مدعیت میں تھانہ اے سیکشن ٹھل پر مقدمہ درج کرلیا گیاہے ، پولیس کے مطابق ایس ایچ او تھانہ اے سیکشن ٹھل محمد ایوب ڈوگر نے کارروائی کرتے ہوئے نامزد ملزمان ورون کمار، منیش شرما اور نتیش کمار کو گرفتار کرلیا ہے ، پولیس کا کہنا ہے کہ متاثرہ بچے کا میڈیکل چیک اپ کرایا جا رہا ہے جبکہ واقعے کی مزید تفتیش جاری ہے، ترجمان جیکب آباد پولیس کے مطابق واقعے کی غیر جانبدارانہ اور شفاف تحقیقات کی جائیں گی اور میڈیکل رپورٹ آنے کے بعد اسے قانونی کارروائی کا حصہ بنایا جائے گا، ادھر واقعے کا سیشن جج جیکب آباد نے واقعے کا نوٹس لیتے ہوئے ایس ایچ او تھانہ اے سیکشن ٹھل اور تفتیشی افسر کو ریکارڈ سمیت 11مئی کو عدالت میں طلب کرلیا ہے۔