Live Updates

ڈونلڈ ٹر مپ کا اٹلی میں تعینات امریکی فوجیوں کی ممکنہ منتقلی پر غور کرنے کا عندیہ

اتوار 10 مئی 2026 08:59

واشنگٹن (اُردو پوائنٹ اخبارتازہ ترین - اے پی پی۔ 10 مئی2026ء) امریکی صدر ڈونلڈ ٹر مپ نے اٹلی میں تعینات امریکی فوجیوں کی ممکنہ منتقلی پر غور کرنے کا عندیہ دیا ہے۔شنہوا کے مطابق ڈونلڈ ٹرمپ نے ایک ٹیلیفونک انٹرویو میں کہا کہ وہ اب بھی اٹلی سے امریکی فوجی اڈوں کی منتقلی کے معاملے پر غور کر رہے ہیں۔ انہوں نے دعویٰ کیا کہ “جب ہمیں ضرورت تھی تو اٹلی ہمارے ساتھ نہیں تھا۔

رپورٹ کے مطابق صدر ٹرمپ نے ایران کی جانب سے امریکی امن تجویز پر متوقع ردعمل کے حوالے سے تبصرہ کرنے سے بھی گریز کیا۔

(جاری ہے)

دوسری جانب امریکی وزیر خارجہ مارکو روبیونے روم کے دورے کے دوران کہا کہ ایران کی جانب سے واشنگٹن کی تجویز پر جواب متوقع ہے۔ٹرمپ کے بیان پر ردعمل دیتے ہوئے اٹلی کے وزیر دفاع گائیڈو کروسیٹو نے کہا کہ وہ اس مؤقف کی منطق کو سمجھنے سے قاصر ہیں۔

انہوں نے بتایا کہ اٹلی اتحادی ممالک کے ساتھ آبنائے ہرمز میں بارودی سرنگوں کی صفائی اور بحری جہاز رانی کے تحفظ کے لیے ایک مشترکہ مشن کی تیاری میں مصروف ہے۔امریکی محکمہ دفاع کے اعداد و شمار کے مطابق 2025 کے اختتام تک تقریباً 12 ہزار 700 امریکی فوجی اٹلی میں مستقل طور پر تعینات تھے، جس کے باعث جرمنی کے بعد اٹلی یورپ میں امریکی فوج کی دوسری بڑی موجودگی رکھتا ہے۔