ٰگلگت بلتستان انتخابات 2026، پاکستان تحریک انصاف نے 24 حلقوں کے لیے اپنے امیدواروں کا اعلان کر دیا

[بیرسٹر گوہر کی منظوری، پی ٹی آئی نے جی بی انتخابات کے لیے ٹکٹ جاری کر دیے، محمد الیاس صدیقی اور راجہ زکریا سمیت اہم نام شامل

پیر 11 مئی 2026 23:10

ٰگلگت بلتستان انتخابات 2026، پاکستان تحریک انصاف نے 24 حلقوں کے لیے اپنے ..

اسلام آباد(اُردو پوائنٹ اخبارتازہ ترین - آن لائن۔ 11 مئی2026ء) پاکستان تحریک انصاف (پی ٹی آئی) نے گلگت بلتستان کے عام انتخابات 2026 کے لیے اپنے امیدواروں کے ناموں کا باقاعدہ اعلان کر دیا ہے۔ چیئرمین پی ٹی آئی بیرسٹر گوہر علی خان کی حتمی منظوری کے بعد پارٹی کے مرکزی سیکرٹریٹ سے امیدواروں کی فہرست اور نوٹیفکیشن جاری کر دیا گیا ہے۔جاری کردہ فہرست کے مطابق جی بی اے 1 گلگت سے محمد الیاس صدیقی، جی بی اے 2 سے عتیق پیرزادہ اور جی بی اے 3 سے سید سہیل عباس تحریک انصاف کے امیدوار ہوں گے۔

نگر کے حلقوں جی بی اے 4 اور جی بی اے 5 سے بالترتیب ذوالفقار علی بہشتی اور ریاض اکبر کو نامزد کیا گیا ہے، جبکہ ہنزہ (جی بی اے 6) سے نائیک نام کریم پی ٹی آئی کے پلیٹ فارم سے الیکشن لڑیں گے۔

(جاری ہے)

سکردو کے چاروں حلقوں میں راجہ محمد زکریا خان مقپون (جی بی اے 7)، محمد کاظم میثم (جی بی اے 8)، وزیر اظہر مہدی (جی بی اے 9) اور ڈاکٹر محمد شریف (جی بی اے 10) کو ٹکٹ جاری کیے گئے ہیں۔

کھرمنگ سے سید محسن زیدی، شگر سے ایڈووکیٹ محمد حسن شگری اور گانچھے کے تین حلقوں سے محمد اختر خان، عبد الرحیم اور صداقت حسین تحریک انصاف کے آفیشل امیدوار ہوں گے۔استور سے شاہدہ (جی بی اے 13) کو پارٹی کا ٹکٹ دیا گیا ہے۔ دیامر ریجن میں نوشاد عالم، سید عابد اقبال، حاجی کامان اور ایوب قریشی کو مختلف حلقوں سے نامزد کیا گیا ہے۔ ضلع غذر میں شیر عظیم خان، ندیم رفیق اور راجہ جہانزیب پی ٹی آئی کی نمائندگی کریں گے۔تحریک انصاف کی جانب سے امیدواروں کے اس بروقت اعلان کو سیاسی حلقوں میں انتخابی مہم کے آغاز کے طور پر دیکھا جا رہا ہے۔ پارٹی قیادت نے تمام نامزد امیدواروں کو ہدایت کی ہے کہ وہ اپنے اپنے حلقوں میں عوامی رابطہ مہم تیز کریں اور پارٹی کا منشور گھر گھر پہنچائیں