پنجاب ریونیو اتھارٹی اور ایوان صنعت و تجارت سیالکوٹ کے ممبران کا بذریعہ ویڈیو لنک اجلاس

منگل 12 مئی 2026 16:30

لاہور (اُردو پوائنٹ اخبارتازہ ترین - این این آئی۔ 12 مئی2026ء) پنجاب ریونیو اتھارٹی اور ایوان صنعت و تجارت سیالکوٹ کے ممبران کا بذریعہ ویڈیو لنک اجلاس ہوا۔ٹیکس نظام میں بہتری اور کاروباری برادری کو سہولیات کی فراہمی پر تفصیلی تبادلہ خیال کیا گیا۔ چیئرمین پی آر اے معظم اقبال سپرا نے سیالکوٹ کی صنعتوں اور برآمدکنندگان کو درپیش ٹیکس مسائل سنے۔

صدر سیالکوٹ چیمبر آف کامرس اور دیگر ممبران نے ٹیکس ادائیگی کے نظام کو مزید آسان بنانے کی تجاویز دیں۔

(جاری ہے)

چیئرمین پنجاب ریونیو اتھارٹی کی کاروباری برادری کے مسائل ترجیحی بنیادوں پر حل کرنے کی یقین دہانی کروائی۔ ان کا کہنا تھا کہ کاروباری افراد کو درپیش مسائل کا ترجیحی بنیادوں پر تدارک حکومت پنجاب کی اولین ترجیح ہے۔ ٹیکس نیٹ میں اضافہ کرنے کیلئے صدر چیمبر آف کامرس کی پنجاب ریونیو اتھارٹی سے مکمل تعاون کی یقین دہانی بھی کروائی۔

چیئرمین پی آر اے نے واضح کیا کہ ملکی معیشت کے استحکام اور برآمدات کے فروغ کیلئے مشترکہ تعاون ناگزیر ہے۔ ممبر لیگل، کمشنر پی آر اے گوجرانولہ اور ڈائریکٹر پالیسی بھی موجود تھے۔سیالکوٹ چیمبر اور پنجاب ریونیو اتھارٹی کے درمیان رابطوں کو مزید مؤثر بنانے پر بھی اتفاق کیا گیا۔