بلوچستان کی ترقی و خوشحالی اور صوبے کے عوام کی فلاح و بہبود ہماری اولین ترجیح ہے، وزیراعظم

منگل 12 مئی 2026 19:10

اسلام آباد (اُردو پوائنٹ اخبارتازہ ترین - این این آئی۔ 12 مئی2026ء) وزیراعظم محمد شہبازشریف نے کہا ہے کہ بلوچستان کی ترقی و خوشحالی اور صوبے کے عوام کی فلاح و بہبود ہماری اولین ترجیح ہے۔وہ بلوچستان سے تعلق رکھنے والے سینئر سیاستدانوں کے وفد سے گفتگو کررہے تھے جس نے منگل کو یہاں ان سے ملاقات کی۔

(جاری ہے)

وزیراعظم آفس کے میڈیا ونگ کی طرف سے جاری بیان کے مطابق وزیراعظم سے ملاقات کرنے والے وفد میں سینیٹر میر دوستین خان ڈومکی، صوبائی وزیر برائے پبلک ہیلتھ انجینئرنگ سردار عبد الرحمان کھیتران، صوبائی اسمبلی کے رکن سردار چنگیز مری اور میر خدا بخش مری شامل تھے۔

وزیراعظم نے کہا کہ بلوچستان قدرتی وسائل سے مالا مال ہے، ہماری بھرپور کوشش ہے کہ ان وسائل سے صوبے کے عوام بھرپور استفادہ کر سکیں۔ انہوں نے کہا کہ وفاقی حکومت صوبائی حکومت کے ساتھ مل کر بلوچستان کی ترقی کے لئے کام کر رہی ہے۔