ان ٹارگٹڈ کراس سبسڈی ختم، بجلی کی پوری قیمت وصول کرنے کا فیصلہ

کم یونٹ استعمال کرنے والے صارفین کے لیے بلوں میں اضافے کا خدشہ

بدھ 13 مئی 2026 12:29

ان ٹارگٹڈ کراس سبسڈی ختم، بجلی کی پوری قیمت وصول کرنے کا فیصلہ

اسلام آباد(اُردو پوائنٹ اخبارتازہ ترین - این این آئی۔ 13 مئی2026ء) حکومت نے آئندہ بجٹ میں آئی ایم ایف کی ایک اور شرط پوری کرنے کی یقین دہانی کروا دی ہے۔ یکم جنوری 2027 سیبجلی بلوں پر ان ٹارگٹڈ کراس سبسڈی ختم کر دی جائے گی۔ صرف مستحق صارفین کو بے نظیر انکم سپورٹ پروگرام کے تحت سبسڈی دینے کا فیصلہ کرلیا گیا۔ تمام صارفین سے بجلی کی پوری قیمت وصول کی جائے گی۔

حکومت آئی ایم ایف کا ان ٹارگٹڈ سبسڈیز ختم کرنے کا مطالبہ پورا کرنے پر تیار ہو گئی۔ ماہانہ 300 یونٹ تک بجلی کیاستعمال پر دی جانیوالی سبسڈی کا یکم جنوری2027 سے خاتمہ کر دیا جائیگا۔ بجلی بلوں میں رعایت ان مستحق افراد تک محدود کر دی جائیگی۔ جو بجلی بل پر موجود کیو ار کوڈ کے ذریعے بیظیر انکم سپورٹ پروگرام میں رجسٹریشن کروائیں گے۔

(جاری ہے)

حکومت نے آئی ایم ایف کو یقین دہانی کروائی ہے کہ آئندہ مالی سال سے 500 ارب روپے سے زائد کی پاورسبسڈی بی آئی ایس پی کو منتقل کر دی جائیگی ۔

بڑے گھروں میں ایک سے زائد میٹر لگوا کر سستی بجلی کی سہولت لینے والیسبسڈی سیمحروم ہو جائیں گے۔ ماہرین کے مطابق آئی ایم ایف کا پرانا مطالبہ اب پورا کیا جا رہا ہے۔پاور ڈویژن ذرائع کے مطابق گھروں میں 2، 3 بجلی میٹرز کی وجہ سے پروٹیکٹڈ صارفین 1 کروڑ سے بڑھ کر 2کروڑ 20لاکھ تک پہنچ چکے۔ موجودہ سبسڈی سسٹم ختم کرنے کیلئے نیا طریقہ کار تیار کیا جا رہا ہے۔ بجلی صارفین کا ڈیٹا بی آئی ایس پی سے منسلک کیا جائے گا۔ حکومت اگست تک نیا سبسڈی سسٹم ٹیسٹ کرے گی اور یکم جنوری 2027 سے مکمل نافذ کر دیا جائے گا ۔ آئی ایم ایف سے ترقیاتی منصوبوں میں کلائمیٹ ترجیح 30 فیصد تک بڑھانے کا بھی وعدہ کیا گیا ہے