پاکستان ڈیجیٹل اثاثوں کی ریگولیشنز پوری کرنے میں اسرائیل کے برابر آ گیا، کرپٹو سلیٹ

پاکستان زرعی ملک ہونے کے باوجود ٹیکنالوجی میں آگے ہے، اسرائیل کے ساتھ ڈیجیٹل مسابقت بڑی پیشرفت ہے،بلال بن ثاقب

بدھ 13 مئی 2026 13:13

پاکستان ڈیجیٹل اثاثوں کی ریگولیشنز پوری کرنے میں اسرائیل کے برابر ..

کراچی (اُردو پوائنٹ اخبارتازہ ترین - این این آئی۔ 13 مئی2026ء) کرپٹو ڈیجیٹل اثاثہ جات سے متعلق عالمی پلیٹ فارم ’’کرپٹو سلیٹ‘ ‘نے اپنی رپورٹ میں کہا ہے کہ پاکستان ڈیجیٹل اثاثوں کی ریگولیشنز پوری کرنے میں اسرائیل کے برابر آ گیا ہے۔کرپٹو سلیٹ نے رپورٹ میں کہا کہ پاکستان کا کرپٹو ریگولیٹری ادارہ ’’پیوارا‘ ‘عالمی توجہ حاصل کر رہا ہے، اسرائیل نے اپنی کرنسی شیکل پر مبنی اسٹیبل کوائن کی منظوری دی، پاکستان نے ریگولیٹڈ کرپٹو کمپنیوں کو بینک اکاؤنٹس کھولنے کی اجازت دی ہے۔

(جاری ہے)

اس حوالے سے چیئرمین پیوارا بلال بن ثاقب نے کہا ہے کہ پاکستان زرعی ملک ہونے کے باوجود ٹیکنالوجی میں آگے ہے، اسرائیل کے ساتھ ڈیجیٹل شعبے میں مدِمقابل ہونا بڑی پیش رفت ہے۔انہوں نے کہا کہ دنیا تسلیم کر رہی ہے کہ پاکستان کرپٹو میں کئی ممالک سے بہت آگے ہے، اے آئی ایجنٹس کرپٹو کرنسی میں لاکھوں ڈالرز کی ادائیگیاں کر رہے ہیں۔بلال بن ثاقب نے کہا کہ ہمیں اپنے بچوں اور نوجوان نسل کو اے آئی کی مہارتوں سے آراستہ کرنا ہو گا، وزیر اعظم شہباز شریف کے وژن کے تحت ڈیجیٹل انقلاب کے لیے کام کر رہے ہیں۔