دہشتگردی ناکام بنانیوالے شہید شہری کی قربانی کا اعتراف،ستارہ شجاعت دینے کی منظوری

بدھ 13 مئی 2026 13:13

اسلام آباد(اُردو پوائنٹ اخبارتازہ ترین - این این آئی۔ 13 مئی2026ء) خودکش دہشت گرد کو روک کر قیمتی جانیں بچانے والے شہری لیاقت شہید کی قربانی کے اعتراف میں صدر مملکت آصف علی زرداری نے ستارہ شجاعت دینے کی منظوری دے دی۔وزیرِ اعظم شہباز شریف کی سفارش پر صدر آصف زرداری نے لیاقت شہید کے لیے ستارہ شجاعت کی منظوری دی۔

(جاری ہے)

صدر آصف علی زرداری نے کہا کہ لیاقت شہید نے اپنی جان قربان کر کے بڑے جانی نقصان کو ٹال دیا، ان کی جرأت، فرض شناسی اور قربانی قوم کے لیے روشن مثال ہے۔

انہوں نے یہ بھی کہا کہ لیاقت شہید نے خودکش حملہ آور کے سامنے ڈٹ کر بے مثال بہادری کا مظاہرہ کیا، قوم اپنے بہادر سپوت لیاقت شہید کو سلام پیش کرتی ہے۔لیاقت شہید کی والدہ، صاحبزادے اور بھائی صدر مملکت سے ستارہ شجاعت وصول کریں گے، شہید کے اہل خانہ کو مکمل سرکاری پروٹوکول کے ساتھ اسلام آباد روانہ کیا گیا، ان کے اہل خانہ کی حفاظت اور سہولت کے لیے ایلیٹ فورس کا دستہ بھی ہمراہ ہے۔