انمول پنکی کی عدالت پیشی سے قبل خاتون وکیل جذباتی، سخت سزا دینے کا مطالبہ

جمعہ 15 مئی 2026 14:55

کراچی(اُردو پوائنٹ اخبارتازہ ترین - این این آئی۔ 15 مئی2026ء) کوکین کوئین انمول عرف پنکی کی پیشی سے قبل سٹی کورٹ میں خاتون وکیل جذباتی ہوگئیں۔خاتون وکیل شیر بانو ایڈووکیٹ نے کہا کہ پنکی ہماری نسلوں کو تباہی کررہی ہے، اس کو کسی صورت نہ چھوڑا جائے، انہوں نے مطالبہ کیا کہ انمول عرف پنکی کو سخت سے سخت سزا دی جائے۔

(جاری ہے)

دوسری جانب پولیس ذرائع کے مطابق ملزمہ انمول عرف پنکی کو جمعہ کے روزعدالت میں پیش نہیں کیا گیا، سیشن کورٹ سے ملنے والا جسمانی ریمانڈرات12 بجے ختم ہوگا، جس کے بعد ملزمہ کو آج(16مئی)عدالت میں پیش کیاجائے گا۔

قائمقام پراسکیوٹر جنرل سندھ منتظر مہدی کے مطابق ملزمہ انمول عرف پنکی کا جسمانی ریمانڈ جمعہ کومکمل نہیں ہوا، ملزمہ کو ہفتہ کے روز جسمانی ریمانڈ ختم ہونے پر پیش کیا جائے گا۔منتظر مہدی نے کہا کہ ملزمہ کے جسمانی ریمانڈ میں توسیع کی درخواست دائر کی جائے گی، ملزمہ کے مقدمات کی پیروی کے لیے پراسکیوٹرز کی ٹیم تشکیل دی گئی ہے جو اسکے کیسز کو ترجیحی بنیادوں پر دیکھے گی۔