عمران خان کے ون کانسٹی ٹیوشن ایونیو میں اپارٹمنٹ کے نئے سب لیز ہولڈر شاہد نصیرکی جانب سے دائر ہونے والی درخواست سماعت کے لیے مقرر

ڈ* ون کانسٹیٹیوشن ایونیو کے 5 سب لیز ہولڈرز کو انٹراکورٹ اپیل میں بطور اپیل کنندہ شامل کیا جائے، اپارٹمنٹ سب لیز ہولڈرز نے اپنے حقوق کے تحفظ کے لیے اس عدالت میں انٹراکورٹ اپیل دائر کر رکھی ہے، درخواست

منگل 9 جون 2026 19:20

ِاسلام آباد (اُردو پوائنٹ اخبارتازہ ترین - آن لائن۔ 09 جون2026ء) اسلام آباد ہائی کورٹ میں پاکستان تحریک انصاف کے بانی عمران خان کے ون کانسٹی ٹیوشن ایونیو میں اپارٹمنٹ کے نئے سب لیز ہولڈر شاہد نصیرکی جانب سے دائر ہونے والی درخواست سماعت کے لیے مقرر کر دی گئی۔ شاہد نصیر سمیت دیگر متفرق درخواست وکی سماعت بھی آج بدھ کو اسلام آباد ہائی کورٹ کے جسٹس محمد اعظم خان اور جسٹس انعام امین منہاس پر مشتمل ڈویڑن بینچ سماعت کرے گا۔

اسلام آباد ہائی کورٹ میں دائر درخواست میں کہا گیا ہے کہ شاہد نصیر نے پروجیکٹ کے ٹاور سی میں بانی پی ٹی آئی عمران خان کا اپارٹمنٹ سب لیز پر حاصل کیا، کیس میں فریق بننے کے لیے شاہد نصیر اور اعتزاز احسن کی بیٹی زینب احسن نے درخواست جمع کرادی ہے۔

(جاری ہے)

متفرق درخواست میں کہا گیا ہے کہ ون کانسٹیٹیوشن ایونیو کے 5 سب لیز ہولڈرز کو انٹراکورٹ اپیل میں بطور اپیل کنندہ شامل کیا جائے، اپارٹمنٹ سب لیز ہولڈرز نے اپنے حقوق کے تحفظ کے لیے اس عدالت میں انٹراکورٹ اپیل دائر کر رکھی ہے۔

درخواست میں مؤقف اپنایا گیا ہے کہ درخواست گزاروں نے ون کانسٹی ٹیوشن ایونیو کے اپارٹمنٹس قانونی طور پر حاصل کیے لہٰذا درخواست گزاروں کو انٹراکورٹ اپیل میں پارٹی بنانے کی اجازت دی جائیواضح رہے کہ عدالت نے تھرڈ پارٹی رائٹس کے تحت انٹراکورٹ اپیلوں میں اپیل کنندگان کو اسٹے دے رکھا ہے اور سب لیز ہولڈرز اپارٹمنٹ مالکان کو بے دخل کرنے سے روکا ہے۔سی ڈی اے نے ون کانسٹی ٹیوشن ایونیو کی تعمیر کے لیے بی این پی کی لیز منسوخ کر دی تھی اور اسلام آباد ہائی کورٹ کے چیف جسٹس سردار سرفراز ڈوگر نے لیز منسوخی کو قانونی قرار دیا تھا۔