عمان کے قریب آئل ٹینکر پر حملہ، 3بھارتی ملاح لاپتہ

جمعرات 11 جون 2026 12:39

عمان (اُردو پوائنٹ اخبارتازہ ترین - اے پی پی۔ 11 جون2026ء) عمان کے شہر صحار کے شمال مشرق میں واقع سمندری علاقے میں آئل ٹینکر ” سیٹے بیلو“ پر حملے کے بعد تین بھارتی ملاح لاپتہ ہو گئے ، 21 کو بچا لیا گیا ۔

(جاری ہے)

کشمیر میڈیاسروس کے مطابق یہ حملہ عمان کے ساحل کے قریب آئل ٹینکر ماری سیکس پر امریکی ”پر یسیٹرن میونیشن“ حملے کی اطلاع کے بعد پیش آیا جس میں سوار 24بھارتی ملاحوں کو بچا لیا گیا تھا۔

بھارتی وزارت خارجہ نے ایک بیان میں واقعے کی تصدیق کرتے ہوئے کہا کہ عمان میں بھارتی سفارتخانہ صورتحال پر گہری نظر رکھے ہوئے ہے اور تلاش و بچائو کارروائی میں عمانی حکام کے ساتھ مسلسل رابطے میں ہے۔ بھارت نے واقعے پر سخت ردعمل ظاہر کرتے ہوئے امریکا کے اعلیٰ سفارتکار جیسن میکس کو طلب کرکے اپنا باضابطہ احتجاج ریکارڈ کرایا ۔