پی آئی اے نے فضائی میزبانوں کے لیے نیا حکم نامہ جاری کر دیا

فضائی میزبانوں کے پرسنل لگیج میں سگریٹ، سگار اور تمباکو لے جانے،پروازوں، ہوٹل قیام اور پبلک مقامات پر سگریٹ نوشی پر مکمل پابندی عائد

منگل 16 جون 2026 14:29

پی آئی اے نے فضائی میزبانوں کے لیے نیا حکم نامہ جاری کر دیا

کراچی(اُردو پوائنٹ اخبارتازہ ترین - این این آئی۔ 16 جون2026ء) پاکستان انٹرنیشنل ایئرلائن (پی آئی ای)نے فضائی میزبانوں کے لیے نیا حکم نامہ جاری کر دیا ہے۔تفصیلات کے مطابق پی آئی اے انتظامیہ نے فضائی میزبانوں (ایئر ہوسٹس)کے لیے نیا حکم نامہ جاری کر دیا ہے، جس کے تحت فضائی میزبانوں کے پرسنل لگیج میں سگریٹ، سگار اور تمباکو لے جانے پر پابندی عائد کر دی گئی ہے۔

(جاری ہے)

اس کے علاوہ پروازوں، ہوٹل قیام اور پبلک مقامات پر سگریٹ نوشی پر مکمل پابندی عائد کر دی گئی ہے۔ نئی پابندی سے عادی سگریٹ نوش کریو کو مشکلات کا سامنا کرنا پڑ رہا ہے۔پی آئی اے انتظامیہ نے عملے کو نئی پالیسی پر لازمی عمل درآمد کی ہدایت کرتے ہوئے متنبہ کیا ہے کہ خلاف ورزی پر کریو کو فوری معطل اور انکوائری کا سامنا کرنا پڑے گا۔واضح رہے کہ کسٹمز قوانین کے مطابق کریو کو مخصوص تعداد میں سگریٹ رکھنے کی اجازت ہے۔