پنجابی لوک موسیقی کا عالمی مارکیٹ پر قبضہ، یوٹیوب پر ریکارڈ بریکنگ ویوز کے ساتھ عارف لوہار اور مظہر راہی چھا گئے

منگل 30 جون 2026 12:20

خالق نگر (اُردو پوائنٹ اخبارتازہ ترین - این این آئی۔ 30 جون2026ء) پنجاب کی دھرتی کی روایتی لوک موسیقی اور صوفیانہ کلام نے جدید پاپ میوزک کو پیچھے چھوڑتے ہوئے عالمی شوبز انڈسٹری پر اپنا سکہ جما لیا ہے،لاہور سے لے کر امریکہ اور یورپ کے کنسرٹ ہالز تک، پنجابی فوک گلوکاروں کی لائیو پرفارمنسز اور صوفیانہ فیوژنز اس وقت انٹرنیٹ اور شوبز مارکیٹ کا سب سے بڑا ٹرینڈ بن چکے ہیں، جہاں نوجوان نسل تیز رفتار الیکٹرانک میوزک کو چھوڑ کر ڈھول کی تھاپ اور روایتی بھنگڑے کی دیوانی ہو رہی ہے، شوبز انڈسٹری کی تازہ ترین رپورٹ کے مطابق پنجابی بھنگڑا کے مایہ ناز گلوکار مظہر راہی کے نئے گانے’’لاہور برانڈ‘‘ نے یوٹیوب پر 86 ملین سے زائد ویوز بٹور کر کامیابی کے تمام پچھلے ریکارڈ توڑ دیے ہیں،مظہر راہی اب نوجوانوں کو اپنی ثقافت سے جوڑنے کے لیے ایک گرینڈ کلاسک فیوژن البم پر کام کر رہے ہیں، دوسری جانب،’’چمٹا کنگ‘‘ عارف لوہار اور ملکو کے سدا بہار اور نئے وائرل گیت پاکستان اور بیرونِ ملک شادیوں اور مہندی نائٹس کی جان بن چکے ہیں، جس کی وجہ سے لائیو ایونٹس کی انڈسٹری میں ان کی ڈیمانڈ آسمان کو چھو رہی ہے،پنجاب حکومت کی جانب سے’’پنجاب کائٹ فلائنگ آرڈیننس‘‘ کے تحت محفوظ طریقے سے بسنت فیسٹیول کے انعقاد کے گرین سگنل نے شوبز انڈسٹری میں ایک نیا جوش پیدا کر دیا ہے، جس کے باعث بسنت تھیم پر مبنی لوک گیتوں کی ریکارڈنگز میں زبردست تیزی آئی ہے ،عالمی سطح پر، امریکی شوبز مارکیٹ میں’’ریاض قوالی گروپ‘‘کے ساتھ پنجابی فوک کا فیوژن بے حد پسند کیا جا رہا ہے۔