Live Updates

شہید ایرانی سپریم لیڈر آیت اللہ خامنہ ای کی نمازِ جنازہ ادا

تدفین آج ہوگی ، میت کو عراق کے شہر نجف اور کربلا بھی لے جایا جائے گا،ایرانی میڈیا

اتوار 5 جولائی 2026 12:45

تہران (اُردو پوائنٹ اخبارتازہ ترین - این این آئی۔ 05 جولائی2026ء) شہید ایرانی سپریم لیڈر آیت اللہ سید علی خامنہ ای اور ان کے خاندان کے 4 افراد کی نمازِ جنازہ تہران میں ادا کر دی گئی۔ایرانی میڈیا کے مطابق آیت اللہ جعفر سبحانی نے شہید ایرانی سپریم لیڈر کی نمازِ جنازہ پڑھائی۔آیت اللہ خامنہ ای کی نمازِ جنازہ میں ایرانی صدر مسعود پزشکیان، اسپیکر باقر قالیباف اور دیگر شریک ہوئے۔

ایران کے شہید سپریم لیڈر کی نمازِ جنازہ میں 100 ملکوں کے وفود سمیت لاکھوں افراد نے شرکت کی۔

(جاری ہے)

جنازہ گاہ اور تہران کی سڑکوں پر سیاہ لباس پہنے، انتقام اور انصاف کے حصول کی علامت سرخ پرچم لہراتے سوگواروں نے شہید رہبر کو الوداع کیا۔آج (پیر کو) صبح جنازے کا جلوس تہران سے قم جائے گا، تدفین سے پہلے آیت اللہ علی خامنہ ای کی میت کو عراق کے شہر نجف اور کربلا بھی لے جایا جائے گا، آیت اللہ علی خامنہ ای کو مشہد میں سپردِ خاک کیا جائے گا۔واضح رہے کہ امریکا اور اسرائیل کے رواں برس 28 فروری کو مشترکہ حملے میں آیت اللہ خامنہ ای کی شہادت کے سبب 8 مارچ کو یعنی تقریبا 1 ہفتے ہی میں نئے سپریم لیڈر کا انتخاب کر لیا گیا تھا تاہم شہید سپریم لیڈر کی فوری تدفین نہیں کی گئی تھی۔