عظمیٰ بخاری کا کامیڈین اللہ رکھا پیپسی کے انتقال پر اظہار افسوس

۷اللہ رکھا پیپسی نے اپنی منفرد اداکاری سے تھیٹر اور فلم انڈسٹری میں لازوال مقام حاصل کیا:وزیر اطلاعات پنجاب ۳پنجاب حکومت اللہ رکھا پیپسی کے انتقال پر ان کے اہلِ خانہ کے غم میں برابر کی شریک ہے : عظمیٰ بخاری کا بیان

منگل 7 جولائی 2026 19:45

ٰلاہور (اُردو پوائنٹ اخبارتازہ ترین - آن لائن۔ 07 جولائی2026ء) وزیر اطلاعات و ثقافت پنجاب عظمیٰ بخاری نے نامور کامیڈین اور اداکار اللہ رکھا پیپسی کے انتقال پر گہرے دکھ اور افسوس کا اظہار کیا ہے۔اپنے تعزیتی بیان میں عظمیٰ بخاری نے کہا کہ اللہ رکھا پیپسی کا دل کا دورہ پڑنے سے انتقال ان کے اہلِ خانہ، مداحوں اور پاکستان کی شوبز انڈسٹری کے لیے ایک بڑا صدمہ ہے۔

انہوں نے کہا کہ مرحوم نے اپنی بے مثال صلاحیتوں، منفرد مزاح اور شاندار اداکاری کے ذریعے تھیٹر اور فلم انڈسٹری میں ایک منفرد مقام حاصل کیا اور برسوں تک اپنے فن سے لاکھوں لوگوں کے چہروں پر مسکراہٹیں بکھیریں۔عظمیٰ بخاری نے کہا کہ اللہ رکھا پیپسی نے اپنی محنت، خداداد صلاحیت اور منفرد اندازِ اداکاری کی بدولت نہ صرف اپنی الگ شناخت قائم کی بلکہ پاکستانی فن و ثقافت کے فروغ میں بھی نمایاں کردار ادا کیا۔

(جاری ہے)

ان کی فنی خدمات کو ہمیشہ قدر کی نگاہ سے یاد رکھا جائے گا۔وزیر اطلاعات نے کہا کہ پنجاب حکومت اللہ رکھا پیپسی کے انتقال پر ان کے اہلِ خانہ کے غم میں برابر کی شریک ہے اور ان سے دلی ہمدردی اور تعزیت کا اظہار کرتی ہے۔انہوں نے دعا کی کہ اللہ تعالیٰ مرحوم کو اپنی جوارِ رحمت میں اعلیٰ مقام عطا فرمائے، ان کی مغفرت فرمائے اور سوگوار خاندان کو یہ ناقابلِ تلافی صدمہ صبر و حوصلے کے ساتھ برداشت کرنے کی توفیق عطا فرمائے۔