کپتان بابر اعظم کی باکسر فاطمہ زہرا کو کانسی کا تمغہ جیتنے پر مبارکباد

برسوں کی محنت، ہمت اور لگن نے فاطمہ زہرا کو یہ مقام دلایا، فاطمہ زہرا آپ پر پوری قوم کو فخر ہے، پیغام

اتوار 2 اگست 2026 13:05

ا سلام آباد(اُردو پوائنٹ اخبارتازہ ترین - این این آئی۔ 02 اگست2026ء) پاکستان کی ٹیسٹ ٹیم کے کپتان بابر اعظم نے باکسر فاطمہ زہرا کو کانسی کا تمغہ جیتنے پر مبارکباد دی ہے۔

(جاری ہے)

اپنے بیان میں بابر اعظم نے کہا کہ فاطمہ زہرا کامن ویلتھ گیمز میں تمغہ جیتنے والی پہلی پاکستانی خاتون بن گئیں، ان کی کامیابی پاکستانی خواتین کے لیے باعثِ فخر اور مشعلِ راہ ہے۔ٹیسٹ ٹیم کے کپتان نے کہا کہ برسوں کی محنت، ہمت اور لگن نے فاطمہ زہرا کو یہ مقام دلایا، فاطمہ زہرا آپ پر پوری قوم کو فخر ہے، بہت بہت مبارک ہو۔واضح رہے کہ پاکستانی باکسر فاطمہ زہرا نے کامن ویلتھ گیمز کی 60 کلوگرام کیٹیگری میں کانسی کا تمغہ اپنے نام کیا تھا۔