یوسف رضا گیلانی کی جنرل سید عامر رضا کو نشانِ امتیاز (ملٹری) عطا کرنے کی تقریب میں شرکت

منگل 11 اگست 2026 21:40

اسلام آباد (اُردو پوائنٹ اخبارتازہ ترین - این این آئی۔ 11 اگست2026ء) چیئرمین سینیٹ سید یوسف رضا گیلانی نے ایوانِ صدر میں منعقدہ خصوصی تقریب میں شرکت کی، جہاں صدرِ مملکت آصف علی زرداری نے کمانڈر نیشنل اسٹریٹیجک کمانڈ جنرل سید عامر رضا، ہلالِ امتیاز (ملٹری)، ستارہ بسالت کو ملک کے دفاع اور سلامتی کے لیے ان کی گراں قدر خدمات، غیر معمولی پیشہ ورانہ صلاحیتوں اور نمایاں کارکردگی کے اعتراف میں نشانِ امتیاز (ملٹری) سے نوازا۔

(جاری ہے)

تقریب میں وزیراعظم محمد شہباز شریف، چیئرمین سینیٹ سید یوسف رضا گیلانی، نائب وزیراعظم و وزیر خارجہ سینیٹر محمد اسحاق ڈار، چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر، چیف آف نیول اسٹاف ایڈمرل نوید اشرف، چیف آف ایئر اسٹاف ایئر چیف مارشل ظہیر احمد بابر سدھو، وفاقی وزراء ، ارکانِ پارلیمنٹ اور سفارتی برادری کے نمائندگان نے شرکت کی۔