Live Updates

ایران جنگ، امریکا کو 1.3 ارب ڈالر کے ایم کیو 9 ڈرونز کا نقصان

ڈرونز کا یہ نقصان امریکا کے ایم کیو 9 ریپر کے جنگ سے قبل موجود ذخیرے کا تقریبا 25 فیصد بنتا ہے،رپورٹ

جمعہ 14 اگست 2026 13:19

ایران جنگ، امریکا کو 1.3 ارب ڈالر کے ایم کیو 9 ڈرونز کا نقصان

تہران (اُردو پوائنٹ اخبارتازہ ترین - این این آئی۔ 14 اگست2026ء) ایران جنگ کے دوران امریکا کو ایم کیو 9 ریپر ڈرونز کی مد میں ایک ارب 30 کروڑ ڈالر سے زائد کا نقصان اٹھانا پڑا ہے۔امریکی اخبار نے معاملے سے باخبر 3 امریکی عہدیداروں کے حوالے سے رپورٹ میں بتایا ہے کہ ایران جنگ کے دوران امریکا کے کم از کم 45 ایم کیو 9 ریپر ڈرونز تباہ یا مار گرائے گئے۔

(جاری ہے)

رپورٹ کے مطابق ڈرونز کا یہ نقصان امریکا کے ایم کیو 9 ریپر کے جنگ سے قبل موجود ذخیرے کا تقریبا 25 فیصد بنتا ہے۔

ایک ایم کیو 9 ریپر ڈرون کی مالیت اس میں نصب سینسرز اور ہتھیاروں کے حساب سے 3 کروڑ سے 5 کروڑ ڈالر تک ہے، جس کے باعث 45 ڈرونز کا مجموعی نقصان ایک ارب 30 کروڑ ڈالر سے زیادہ بنتا ہے۔رپورٹ کے مطابق ایران جنگ کے دوران ایم کیو 9 ریپر ڈرونز کو نگرانی اور حملوں کے لیے بڑے پیمانے پر استعمال کیا گیا، جبکہ آبنائے ہرمز کے اطراف بھی ان کی سرگرمیاں جاری رہیں۔