وزیراعظم کا سپیکر بلوچستان اسمبلی کیپٹن (ر)عبدالخالق خان اچکزئی کے انتقال پر افسوس کا اظہار

جمعہ 14 اگست 2026 17:09

اسلام آباد (اُردو پوائنٹ اخبارتازہ ترین - این این آئی۔ 14 اگست2026ء) وزیراعظم محمد شہباز شریف نے سپیکر بلوچستان اسمبلی کیپٹن (ر)عبدالخالق خان اچکزئی سے ان کے بیٹے کے انتقال پر گہرے دکھ اور افسوس کا اظہار کیا ہے۔

(جاری ہے)

جمعہ کو سماجی رابطے کی ویب سائٹ ایکس پر ایک بیان میں وزیراعظم نے کہا کہ انہوں نے سپیکر بلوچستان اسمبلی کیپٹن (ر)عبدالخالق خان اچکزئی سے ٹیلی فون پر گفتگو کی اور ان کے نوجوان صاحبزادے ثنا اللہ خان اچکزئی کے المناک انتقال پر گہرے دکھ اور افسوس کا اظہار کیا ہے۔

وزیراعظم نے سوگوار خاندان سے دلی تعزیت کا اظہار کیا اور دعا کی کہ اللہ تعالی مرحوم کی مغفرت فرمائے،انہیں جنت الفردوس میں اعلی مقام عطا فرمائے اور اچکزئی خاندان کو یہ ناقابل تلافی نقصان برداشت کرنے کے لیے صبر و استقامت عطا فرمائے۔