پنجاب میں بلدیاتی انتخابات کیلئے حلقہ بندیاں مکمل، ریکارڈ الیکشن کمیشن کو ارسال

منگل 18 اگست 2026 13:35

ْلاہور(اُردو پوائنٹ اخبارتازہ ترین - این این آئی۔ 18 اگست2026ء) پنجاب میں بلدیاتی انتخابات کے حوالے سے بڑی پیش رفت سامنے آئی ہے۔پنجاب میں بلدیاتی انتخابات کیلئے حلقہ بندیوں کا مرحلہ مکمل ہوگیا ہے، صوبے بھر میں مکمل کی گئی حلقہ بندیوں کا ریکارڈ الیکشن کمیشن آف پاکستان کو ارسال کر دیا گیا ہے۔حلقہ بندیوں کا کام 20 اپریل 2026 سے شروع کیا گیا تھا، جس کے دوران شہریوں کی جانب سے 150 سے زائد اعتراضات دائر کئے گئے۔

(جاری ہے)

لاہور میں مجموعی طور پر 433 یونین کونسلز قائم کی گئی ہیں، شالیمار ٹاؤن میں 72، راوی ٹاؤن میں 52، واہگہ ٹاؤن میں 25 اور علامہ اقبال ٹاؤن میں 37 یونین کونسلز قائم کی گئی ہیں۔اسی طرح سٹی ٹاؤن میں 69، رائے ونڈ میں 32، ماڈل ٹاؤن میں 77، نشتر ٹاؤن میں 40 اور صدر میں 29 یونین کونسلز بنائی گئی ہیں۔دستیاب ریکارڈ کے مطابق 2015 میں لاہور میں یونین کونسلز کی تعداد 274 تھی، جو اب بڑھ کر 433 ہوگئی ہے، حلقہ بندیوں کا ریکارڈ الیکشن کمیشن کو بھجوائے جانے کے بعد پنجاب میں بلدیاتی انتخابات کی جانب ایک اہم مرحلہ مکمل ہوگیا۔