سٹاک ایکسچینج میں سرمایہ کاروں کی بڑھتی تعداد سے کیپیٹل مارکیٹ کی بنیاد میں وسعت کی عکاسی ہورہی ہے، خرم شہزاد

جمعرات 1 اکتوبر 2026 14:57

اسلام آباد (اُردو پوائنٹ اخبارتازہ ترین - اے پی پی۔ 01 اکتوبر2026ء) وزیرخزانہ کے مشیرخرم شہزادنے کہاہے کہ پاکستان سٹاک ایکسچینج میں سرمایہ کاروں کی بڑھتی تعداد سے نہ صرف مارکیٹ میں وسیع تر شرکت بلکہ پاکستان کی کیپیٹل مارکیٹ کی بنیاد میں مزید وسعت کی عکاسی ہورہی ہے۔انہوں نے یہ بات سوشل میڈیا پلیٹ فارم ایکس پرجاری بیان میں کہی ہے۔

(جاری ہے)

انہوں نے کہاکہ پا کستان سٹاک ایکسچینج میں ستمبر 2026 کے دوران ریکارڈ 25281 نئے سرمایہ کار شامل ہوئے جو ایک ماہ کے دوران نئے سرمایہ کاروں کی سب سے زیادہ تعداد ہے ،اس اضافے کے بعد سٹاک مارکیٹ میں مجموعی سرمایہ کاروں کی تعداد 656218 تک پہنچ گئی ہے جو مارچ 2024 کے مقابلے میں دگنی سے بھی زیادہ ہے۔

انہوں نے کہاکہ پاکستان سٹاک ایکسچینج کے مطابق نئے سرمایہ کاروں کی اکثریت کا تعلق جین زی ہے جس سے ملک کی کیپیٹل مارکیٹ میں نوجوانوں کی بڑھتی ہوئی شمولیت کی عکاسی ہورہی ہے۔خرم شہزادنے کہاکہ سرمایہ کاروں کی بڑھتی تعداد سے نہ صرف مارکیٹ میں وسیع تر شرکت بلکہ پاکستان کی کیپیٹل مارکیٹ کی بنیاد میں مزید وسعت کی عکاسی ہورہی ہے ۔\932