دہشت گردی کے مکمل خاتمے تک جنگ جاری رہے گی، وزیرِ ریلوے

دہشت گردی کے خلاف جنگ میں پوری قوم اپنی بہادر افواج کے شانہ بشانہ کھڑی ہے، حنیف عباسی

جمعرات 1 اکتوبر 2026 15:03

دہشت گردی کے مکمل خاتمے تک جنگ جاری رہے گی، وزیرِ ریلوے

اسلام آباد (اُردو پوائنٹ اخبارتازہ ترین - این این آئی۔ 01 اکتوبر2026ء) وفاقی وزیرِ ریلوے محمد حنیف عباسی نے بلوچستان کے ضلع کچھی میں سکیورٹی فورسز کی بروقت اور کامیاب کارروائی کو شاندار الفاظ میں سراہتے ہوئے جوانوں کو خراجِ تحسین پیش کیا ہے۔

(جاری ہے)

وزارت ریلوے سے جاری بیان کے مطابق وزیر ریلوے حنیف عباسی نے آپریشن غضب لِلحق کے تسلسل میں دہشت گردوں کے قلع قمع پر اطمینان کا اظہار کرتے ہوئے کہا کہ سکیورٹی فورسز کی اعلی پیشہ ورانہ صلاحیت اور غیر متزلزل عزم کی بدولت ملک دشمن عناصر کے مذموم عزائم بری طرح ناکام ہو رہے ہیں۔

حنیف عباسی نے واضح کیا کہ دہشت گردی کے خلاف جنگ میں پوری قوم اپنی بہادر افواج کے شانہ بشانہ کھڑی ہے اور پاکستان کے امن، خود مختاری اور سلامتی کے خلاف سازشیں کرنے والوں کو ہر محاذ پر عبرتناک شکست دی جائے گی۔