فیصل آباد ، غیرقانونی ہاؤسنگ سکیموں اورغیرقانونی تعمیرات کے خلاف بھرپورآپریشن جاری

منگل 6 اکتوبر 2026 22:26

فیصل آباد (اُردو پوائنٹ اخبارتازہ ترین - آن لائن۔ 06 اکتوبر2026ء) جنرل سیکرٹری پاکستان مسلم لیگ ن کارپوریشن فیصل آبادمیاںضیاء الرحمان نے کہاہے کہ پی ٹی آئی انتشاری ٹولے کودوبارہ کسی صورت نومئی دہرانے نہیں دیں گے ۔تمام ادارے الرٹ ہیں کسی کوکسی صورت اسلام آبادپرچڑھائی نہیں کرنے دیں گے ۔

(جاری ہے)

انہوںنے کہاکہ پی ٹی آئی کاوطیرہ ہے جب بھی ملک ترقی کی طرف گامزن ہونے لگتاہے یہ انتشاری ٹولہ دھرنا،جلائوگھیرائوشروع کردیتاہے جوکہ سیدھاسیدھاملک دشمنی کے مترادف ہے ۔

انہوںنے کہاکہ جمہوریت میں احتجاج سب کاحق ہے لیکن کسی کواجازت نہیں دے سکتے و ہ ریاست کونقصان پہنچائے ۔پی ٹی آئی کی اکثریت پارلیمنٹ میں موجودہے احتجاج ،مسائل کابہترین فورم پارلیمنٹ ہی ہے وہاں تویہ سب چپ کاروزہ رکھے ہوتے ہیں اورسٹرکوں پرنکل کرملک کویرغمال بنانے کی کوشش کررہے ہیں ۔انہوں نے کہاکہ پاکستان مسلم لیگ ن اوراس کی حکومت کسی صورت ملک کاامن وامان تباہ کرنے والوںکوکھلی چھوٹ نہیں دے سکتی اورنہ ہی دے گی ۔