معاہدے پر دستخط سے کچھ دیر پہلے سہیل آفریدی کے مطالبات نے سب کچھ ختم کر دیا. طلال چوہدری

وزیراعلی کے پی کے نے جان بوجھ کر مذاکرات کامیاب نہیں ہونے دیئے، معاہدے کے بنیادی نکات پر اتفاق رائے ہو چکا تھا.وزیر مملکت برائے داخلہ

میاں محمد ندیم منگل 6 اکتوبر 2026 21:54

معاہدے پر دستخط سے کچھ دیر پہلے سہیل آفریدی کے مطالبات نے سب کچھ ختم ..

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔06 اکتوبر ۔2026 ) وزیر مملکت برائے داخلہ طلال چوہدری کا کہنا ہے اپوزیشن کے ساتھ معاہدے کے بنیادی نکات پر اتفاق رائے ہو چکا تھا لیکن دستخط سے کچھ دیر پہلے وزیراعلیٰ کے پی سہیل آفریدی کے مطالبات نے سب کچھ ختم کر دیا.

(جاری ہے)

اسلام آباد میں پریس کانفرنس کرتے ہوئے طلال چوہدری نے الزام عائد کیا کہ وزیراعلیٰ خیبر پختونخوا سہیل آفریدی نے جان بوجھ کر مذاکرات کامیاب نہیں ہونے دیئے، معاہدے کے بنیادی نکات پر اتفاق رائے ہو چکا تھا، یقین تھا میثاق جمہوریت ٹو ہونے جا رہا ہے لیکن دستخط سے کچھ دیر پہلے وزیراعلیٰ کے پی کے مطالبات نے سب ختم کردیا. ایک سوال کے جواب میں طلال چوہدری نے کہا کہ اپویشن اراکین حقائق سے پردہ پوشی کر رہے ہیں، نیشنل ایکشن پلان تو پی ٹی آئی کے لیڈر نے منظور کیا، کیا وہ پختونوں اور خیبرپختونخوا کے خلاف تھا؟وزیر مملکت کا کہنا تھا آج کے پی میں کوئی جنازہ، شادی، اجتماع اور سیاسی جماعت کے لوگ دہشت گردوں کے حملوں سے محفوظ نہیں، اور پی ٹی آئی کے لوگ ان ہی علاقوں میں گروپ کی شکل میں گھوم رہے ہیں، ان پر حملہ کیوں نہیں ہورہا ؟ کچھ تو ہے نا.