عمران خان کے طبی معائنے اور علاج کے لیے لندن سے ڈاکٹر فرقاد عالمگیر کو اڈیالہ جیل بلایا گیا

میڈیکل بورڈ نے سابق وزیراعظم کا انزائٹی لیول تھری پلس قرار دیتے ہوئے خاندان سے ملاقاتوں ‘کتابیں‘اخبارات اور ٹیلی ویژن فراہم کرنے کی سفارش کی تھی. نجی ٹی وی کا دعوی

میاں محمد ندیم منگل 6 اکتوبر 2026 22:49

عمران خان کے طبی معائنے اور علاج کے لیے لندن سے ڈاکٹر فرقاد عالمگیر ..

راولپنڈی(اردوپوائنٹ اخبارتازہ ترین-انٹرنیشنل پریس ایجنسی۔06 اکتوبر ۔2026 ) اڈیالہ جیل میں 10 اگست کو سابق وزیراعظم عمران خان کے طبی معائنے اورکے علاج کے لیے لندن سے ڈاکٹر فرقاد عالمگیر کو اڈیالہ جیل بلایا گیا، میڈیکل بورڈ نے عمران خان کا انزائٹی لیول تھری پلس قرار دیا تھا. نجی ٹی وی نے اپنے ذرائع کے حوالے سے میڈیکل رپورٹ شیئرکرتے ہوئے دعوی کیا ہے کہ تحریک انصاف کے بانی چیئرمین کا طبی معائنہ کرنے والے میڈیکل بورڈ میں چار ڈاکٹر شامل تھے جن میں ڈاکٹر فرقاد عالمگیر، ڈاکٹر عارف خان، ڈاکٹر اختر علی بندیشہ اور ڈاکٹر علی عارف شامل تھے.

(جاری ہے)

رپورٹ کے مطابق میڈیکل بورڈ نے عمران خان کا انزائٹی لیول تھری پلس قرار دیا تھا، میڈیکل بورڈ نے بلڈ پریشر اور انزائٹی لیول کنٹرول کرنے کے لیے روزانہ ایک گھنٹہ واک کی سفارش کی تھی، اس کے علاوہ عمران خان کو فیملی سے ملاقات، اخبار، ٹی وی اور کتابیں فراہم کرنے کی بھی سفارش کی گئی تھی. میڈیکل بورڈ نے عمران خان کی اہلیہ سے ملاقاتوں میں اضافے کی سفارش بھی کی تھی خیال رہے کہ ڈاکٹر فرقاد عالمگیر کا نام عمران خان کے علاج کے لیے حالیہ مذاکراتی عمل میں بھی سامنے آیا ہے ذرائع کے مطابق ڈاکٹر فرقاد عالمگیر نے عمران خان کی بلڈ پریشر کی دوائی تبدیل کی تھی، ڈاکٹر فرقاد علی کی اڈیالہ جیل آمد کے بارے پارٹی لیڈر شپ اور فیملی آگاہ تھی.

ذرائع کا کہنا ہے کہ عمران خان کے طبی معائنے کے لیے میڈیکل بورڈ وفاقی حکومت نے تشکیل دیا تھا، میڈیکل بورڈ کی رپورٹ سپریم کورٹ میں بھی اڈیالہ جیل میں جمع کروائی گئی تھی.