فلپائنی آتش فشاں نے راکھ اگلنا شروع کر دی

شہریوں کو چوکس رہنے کی ہدایت،آتش فشاں کی گڑگڑاہٹ بھی قرب و جوار میں واضح طور پر سنائی دے رہی ہے،مقامی میڈیا

پیر 22 جنوری 2018 14:37

منیلا (اُردو پوائنٹ اخبار آن لائن۔ پیر 22 جنوری 2018ء)فلپائن کے آتش فشاں مایون نے راکھ اگلنا شروع کر دی ہے۔ادھر حکام نے مایون آتش فشاں کے ارد گرد کے آٹھ کلومیٹر علاقے کے لوگوں کو چوکس رہنے کی ہدایت کی ہے۔ ایسا امکان ظاہر کیا جا رہا ہے کہ یہ آتش فشاں اگلے دنوں میں پھٹ سکتا ہے۔ یہ آتش فشاں فلپائن کے صوبے البے میں واقع ہے۔

(جاری ہے)

مقامی میڈیا نے بتایا کہ اس آتش فشاں کی گڑگڑاہٹ بھی قرب و جوار میں واضح طور پر سنائی دے رہی ہے۔ حالیہ ایام میں اس کے دہانے سے لاوا بھی نکل چکا ہے۔ گزشتہ روز دو مرتبہ لاوے کو نکلتے دیکھا گیا۔ ایک مرتبہ لاوا پانچ سو میٹر تک بلند بھی ہوا۔ حکام نے مایون آتش فشاں کے ارد گرد کے آٹھ کلومیٹر علاقے کے لوگوں کو چوکس رہنے کی ہدایت کی ہے۔ ایسا امکان ظاہر کیا جا رہا ہے کہ یہ آتش فشاں اگلے دنوں میں پھٹ سکتا ہے۔ یہ آتش فشاں فلپائن کے صوبے البے میں واقع ہے۔