امریکی ریاست ٹیکساس کے شہر آسٹن میں 6 دھماکے، ہلاکتیں

مارچ کے آغاز سے ہونے والے پے در پے یہ دھماکے ریاست ٹیکساس کے دارالحکومت آسٹن میں ہوئے

بدھ 21 مارچ 2018 18:26

آسٹن (اُردو پوائنٹ اخبار آن لائن۔ بدھ 21 مارچ 2018ء)امریکی ریاست ٹیکساس کے شہر آسٹن میں پے در پے ہونے والے چھٹے دھماکے میں 2 افراد ہلاک ہوگئے۔امریکی ریاست ٹیکساس کے شہر آسٹن میں ایک اسٹور پر ہونے والے تازہ حملے میں ایک شخص زخمی ہوا جس کے بعد حالیہ دنوں میں آسٹن میں ہونے والے دھماکوں کی تعداد 6 ہوگئی۔سرکاری میڈیا کے مطابق ان تمام دھماکوں میں اب تک دو افراد ہلاک ہو ئے ہیں۔

(جاری ہے)

امریکی میڈیا نے مقامی ایمرجنسی حکام کے حوالہ سے بتایا کہ منگل کی رات گئے ہونے والے چھٹے دھماکہ میں ایک 30 سالہ شخص زخمی ہوا جسے قریبی ہسپتال پہنچادیا گیا ،ْمقامی میڈیا کے مطابق چھٹا دھماکہ گڈول تھرفٹ اسٹور پر ہوا۔رپورٹ کے مطابق مارچ کے آغاز سے ہونے والے پے در پے یہ دھماکے ریاست ٹیکساس کے دارالحکومت آسٹن میں ہوئے جن میں اب تک 2 افراد ہلاک اورکئی زخمی ہوچکے ہیں۔یاد رہے کہ پیر کے روز بھی سان انٹونیو نامی علاقہ کی فیڈ ایکس ڈسٹری بیوشن عمارت میں ایک پیکٹ میں دھماکہ ہوا تھا۔