Size Mein Rehne Ke Liye Exercise Kijye - Article No. 2122

سائز میں رہنے کے لئے ایکسرسائز کیجیے - تحریر نمبر 2122

ہفتہ اپریل

Size Mein Rehne Ke Liye Exercise Kijye - Article No. 2122
وقت ہے کہ نہایت سرعت سے گزرتا چلا جا رہا ہے‘دن‘مہینے‘سال ابھی ابھی تو ہم نے نئے سال کو خوش آمدید کہا تھا اور اب نئے سال کی پہلی سہ ماہی ختم ہونے کو ہے ہر سال کی طرح اس سال کی ابتداء میں آپ نے خود سے کچھ وعدے کیے ہوں گے‘کچھ عہد لئے ہوں گے کہ اس سال آپ ضرور خود کو فٹ رکھنے کے لئے اپنی صحت پر توجہ دیں گی اور صحت کی بہتری کے لئے کچھ کریں گی لیکن پھر ہوتا کچھ یوں ہے کہ خود سے کیے گئے یہ تمام وعدے وعدہ فروا میں بدل کر عمل سے محروم ہی رہتے ہیں۔

نتیجہ یہ نکلتا ہے کہ ہم اچھی صحت کی تمنا ہی کرتے رہ جاتے ہیں خصوصاً خواتین جن کے لئے ان کی فیملی ان کی پہلی ترجیح ہوتی ہے اور ان کی اپنی صحت اور فٹنس کہیں پیچھے رہ جاتی ہے لیکن یاد رکھیے آپ اپنی فیملی کا خیال ہر گز نہیں رکھ سکیں گی جب تک کہ آپ خود ذہنی اور جسمانی طور پر فٹ نہیں ہوں گی اور اگر خود کو فٹ اور سلم رکھنے کے لئے آپ نے یوگا یا ورزش کا پلان بنا ہی لیا ہے تو ذیل میں دئیے گئے یہ مشورے آپ ہی کے لئے ہیں۔

(جاری ہے)

ورزش کی ابتداء کرنے سے پہلے ان ہدایات پر عمل کرنا ہر گز نہ بھولیے۔
ہفتے کے پانچ دن 30-40 منٹ کی ایکسرسائز کیجیے اگر آپ خود کو بیمار یا تھکا ہوا محسوس کر رہی ہیں تو اس دوران ایکسرسائز کرنا ہو سکتا ہے کہ کورٹیسول ہارمون (Cortisol hormone) کا رخ بھٹکا دے جو آپ کے عضلات میں موجود پروٹین کو تباہ کرنے کا سبب بن جائے اور آپ کے وزن میں کمی کے بجائے وزن میں اضافہ ہونے لگے۔


روزانہ 6-8 گھنٹے کی پرسکون نیند لیجیے۔سونے سے پہلے ٹی وی‘موبائل اور کمپیوٹرز کے سوئچ آف کر دیجیے یہ کرنے سے آپ خود پر طاری دباؤ کی سطح میں کمی محسوس کریں گی اور گہری اور پرسکون نیند سو سکیں گی۔یہ عمل آپ کے جسم کی فاضل چربی کو پگھلانے میں معاونت کرے گا اور دن میں آپ کے ٹوٹ پھوٹ جانے والے عضلات کی مرمت اور درستگی کرے گا۔
ایکسرسائز سے مکمل فوائد حاصل کرنے کے لئے اسے درست طریقے سے کرنا ازحد ضروری ہے جیسا کہ آپ ٹریڈ مل پر زننگ کرنا چاہتی ہیں تو 45 منٹس مشین پر دوڑنے کے لئے رکھیے اور 3 منٹ تک واک کیجیے۔

اس عمل کو دہراتی رہیے کیونکہ یہ چکنائی کو جلاتا اور ہارمونز کو متحرک و فعال بناتا ہے۔
زندگی میں نظم و ضبط پیدا کیجیے۔اپنے تمام ٹاسک مقررہ وقت پر سر انجام دیجیے۔انسان کے دماغ کا اپنا ایک حیاتیاتی چکر ہوتا ہے جو کہ سورج و چاند کے طلوع و غروب ہونے کے اوقات کے ساتھ کام کرتا ہے اور اس سسٹم کے خلاف کی جانے والی کوئی بھی تبدیلی آپ کو خاصی مہنگی پڑ سکتی ہے راتوں کو جاگنا اور دن بھر سونا آپ کی صحت پر بد ترین اثرات مرتب کرنے کی وجہ بن سکتا ہے۔


ورزش سے پہلے ڈائٹ پر کنٹرول کیجیے کھانے کے مقررہ اوقات کی پابندی سختی سے کیجیے۔مصالحے دار اور مرغن غذاؤں سے پرہیز کیجیے اور اپنی روزانہ کی ڈائٹ میں کوئی ایک پھل اور سلاد لازمی شامل کیجیے۔پرسکون رہنے کے لئے مراقبے کی مشق کیجیے یہ آپ کے مرکزی اعصابی نظام کو تقویت فراہم کرے گا اور آپ خود کو آرام دہ اور پرسکون محسوس کریں گی۔
تاریخ اشاعت: 2021-04-03

Your Thoughts and Comments