Ramzan Main Juices Ziada Istamal Karain - Article No. 960

خدیجہ اسماعیل:
ماہ رمضان کے ساتھ گرمی بھی اپنے عروج پر ہے۔ رمضان میں جہاں لوگ اللہ کی رحمتوں اور برکتوں کو بڑی تعداد میں سمیٹتے ہیں وہیں،رمضان المبارک میں سحروافطار سے بھی لطف اندوز ہوتے ہیں۔ لوگ خاص اہتمام سے سحرہ افطار کی تیاریاں کرتے اور اپنے عزیز اوقارب کو اپنے بال مدعو کرتے ہیں۔ رمضان کے آتے ہی خواتین کی مصروفیت میں بے پناہ اضافہ ہوتا ہے۔

گھر کے دیگر کاموں اور عبادت کے ساتھ ساتھ سحروافطار کی تیاری بھی ان کے کاموں میں مزید اضافہ کرتی ہے۔ ایک موسم گرما کے روزے اور دوسرا کشن میں دیر تک کھڑے ہوکر سحروافطار کے پکوان تیار کرنا ان سب کی وجہ سے خواتین کو خاصی مشکل کاسامنا کرنا پڑتا ہے۔ اس ساری صورتحال میں خواتین نہ تو ٹھیک سے عبادت کرپاتی ہیں اور نہ ہی انہیں آرام کرنے کا موقع ملتا ہے۔

(جاری ہے)

اس پریشانی سے چھٹکارہ پانے کیلئے چند باتوں کو مدنظر رکھنا ضروری ہے تاکہ رمضان کی برکتیں سمٹنے میں کسی قسم کی دشواری کاسامنا کرنا پڑے۔
رمضان المبارک میں تلی ہوئی چیزیں جیسے پکوڑے سموسے، رول، وغیرہ کااستعمال کم سے کم کیاجائے کیونکہ ایک تو انہیں بنانے میں خاصی محنت درکار ہوتی ہے دوسرا یہ کہ ایسی تلی ہوئی چیزوں کے استعمال سے لوگ رمضان میں بہت سی بیماریوں کاشکار بھی ہوجاتے ہیں۔

اگر ان چیزوں کو بنانا بہت ضروری بھی ہوتو ایک چیز ایک دن میں اور دوسری اگلے دن میں بنائیں۔ اس طرح وقت کی بھی بچت ہوگی اور ان تلی ہوئی چیزوں کوکھانے سے معدے میں گڑبڑ ہونے کاخدشہ بھی کم ہوجاتا ہے۔
افطارمیں فریش جوسز کااستعمال زیادہ سے زیادہ کریں تاکہ جسم میں پانی کی کمی نہ ہو۔ جوس، ملک ،شیک کااستعمال کرنے سے جسم کی کھوئی ہوئی توانائی بھی بحال ہوگی اور کم وقت میں توانائی سے بھرپور مشروب بھی میسر ہوگا۔ رمضان میں تیز مصالوں والی چاٹ کھانے کی بجائے پھلوں کازیادہ سے زیادہ استعمال مفید تاکہ جسم کی طاقت بحال ہوسکے، اس طرح خواتین کوروزے کی حالت میں زیادہ کام بھی نہیں کرنا پڑے گا اور افطاری میں اچھی اور صحت بخش اشیاء کھانے کو ملیں گی۔