Khushboo Lagaiay - Article No. 880
![Khushboo Lagaiay](https://photo-cdn.urdupoint.com/show_img_new/health/health_article_images/2016/670x420/pic_1455781940.jpg._3)
خوشبو لگائیے، سکون پائیے - تحریر نمبر 880
آج کل خوشبو سے علاج (Aromatherapy) بھی کیا جاتا ہے، جس سے درد میں آرام ملتا ہے اور آپ مزاج خوش گوار رہتا ہے۔
جمعرات 18 فروری 2016
خوشبو پھولوں ہی سے نہیں، پودے کے مختلف حصوں، مثلاََ چھال، تنے، جڑ اور پتیوں سے بھی حاصل کی جاتی ہے۔ خوشبو سے مراد یہ نہیں ہے کہ کشیدکی ہوئی چیز کو صرف سونگھا جائے، خوشبو سے مساج بھی کیا جاسکتا، لوش میں ڈالا جاسکتااور غسل کرتے وقت پانی میں بھی ملایا جاسکتا ہے۔
خوشبو کے اثرات کئی طرح سے مرتب ہوتے ہیں، چاہے آپ اسے سونگھیں یامساج کریں۔ عطرکو اب متبادل علاج کے طور پر بھی استعمال کیا جارہا ہے، جس میں تعدیہ (انفیکشن)، ذہنی دباؤ اور انسان کی دوسری پریشانیاں بھی شامل ہیں۔ جب عطر کا مساج کیا جاتا ہے تو آپ کی جلد اسے جذب کرلیتی ہے۔ اس طرح سے مساج کرنا بھی ایک طریقہ علاج ہے۔
خوشبو کے ناک میں پہنچتے ہی ناک کے اندرونی اعضا متحرک ہوجاتے ہیں اور اعصابی نظام کے ذریعے سے دماغ کے حصوں کو پیغام بھیجتے ہیں، جو ہماری یادداشت اور جذبات واحساسات کو قابو میں کرتے ہیں عطر کے سالمات (نالیکیولز) دماغ کے احساسات وجذبات کو متحرک کردیتے ہیں اور انھیں سکون پہنچاتے ہیں۔
(جاری ہے)
خوشبوکو اچھی طرح سونگھنے سے آپ کاذہنی دباؤ دور ہوجاتاہے، افسردگی، بے چینی اور بے قراری کم ہوجاتی ہے، نیند آنے لگتی ہے، اس لیے کہ دماغ پر سکون ہوجاتا ہے، روح میں فرحت پیدا ہوجاتی ہے اور آپ خود کوتروتازہ اورتوانا محسوس کرنے لگتے ہیں۔
دفاتر میں کام کرنے والے بہت سے افراد دماغی صلاحیت بڑھانے کے لیے خوشبو سے علاج کراتے ہیں، تاکہ چاق چوبندرہیں۔ اسپتالوں میں بھی اس کے تجربات کیے جارہے ہیں۔ مریضوں کو خوشبو لگا دی جاتی ہے، تاکہ ان کے اعصاب پُرسکون ہوجائیں اور ادویہ ان پر بخوبی اثرا نداز ہوسکیں، مثلاََ جب حاملہ خواتین کو گلاب اور لیونڈرکی خوشبو استعمال کرائی جاتی ہے تووہ خوف اور تشویش میں مبتلا نہیں رہتیں۔ چنانچہ چگی کے دوران انھیں دافع دردادویہ پر زیادہ انحصار نہیں کرنا پڑتا۔
وہ حالتیں جن میں خوشبو کاعلاج کار گرہوتا ہے، ان میں بالوں کا گرنا، بے چینی اور اضطراب پر قابو پانا، قبض (اس میں خوشبو سے پیٹ پر مالش کی جاتی ہے)، بے خوابی اور چنبل شامل ہیں۔ خوشبو جراثیم کش ہوتی ہے اور دافع پھپوند بھی۔ یہ دیمک سے بھی بچاتی ہے۔ بڑھاپا روکتی اور آپ کی عمر میں اضافہ کرتی ہے۔
عطر درد کو دور اور سوزش کاخاتمہ کرتا ہے۔ تحقیق سے معلوم ہوا ہے کہ وہ افراد جنھیں جوڑوں کے پتھرانے کی شکایت ہو، سرطان ہویا سردرد کی شکایت توخوشبو سے علاج کرانے پر انھیں دافع درد ادویہ بہت کم کھانی پڑتی ہیں۔
خوشبو کااستعمال حالانکہ نقصان دہ نہیں ہے، مگر اسے جسم کے اوپری حصے پر لگاتے یا سونگھتے وقت احتیاط سے کام لینا چاہیے۔ عطر کو پینا نہیں چاہیے، اس لیے کہ بعض عطر میں زہریلی خاصیت بھی ہوتی ہے۔
خوشبو سے علاج میں پہلوئی اثرات کم ہوتے ہیں۔ حاملہ خواتین، وہ افراد جنھیں دمہ ہے یا جوحساسیت (الرجی) میں مبتلا ہوجاتے ہیں، عطر استعمال کرنے سے قبل کسی تجربے کار معالج سے مشورہ ضرور کرلیں وہ افراد جنھیں بلڈپریشرہو، وہ روز میری اور لیونڈر استعمال نہ کریں۔ جب عطر کو اپنے چہرے پر بطور دوا لگا رہے ہوں تو اسے آنکھوں میں نہ جانے دیں۔
Browse More Healthart
![Barsaat Ka Mausam Bimariyon Ka Mausam](https://photo-cdn.urdupoint.com/show_img_new/health/health_article_images/2024/220x220/pic_ec687_1721305783.jpg._1)
برسات کا موسم بیماریوں کا موسم
Barsaat Ka Mausam Bimariyon Ka Mausam
![Garmi Ko Shikast Dein](https://photo-cdn.urdupoint.com/show_img_new/health/health_article_images/2024/220x220/pic_66836_1720011469.jpg._1)
گرمی کو شکست دیں
Garmi Ko Shikast Dein
![Schizophrenia](https://photo-cdn.urdupoint.com/show_img_new/health/health_article_images/2024/220x220/pic_d73db_1719319620.jpg._1)
شیزوفرینیا
Schizophrenia
![Eid Par Basyar Khori Se Ijtinab Zaroori](https://photo-cdn.urdupoint.com/show_img_new/health/health_article_images/2024/220x220/pic_e408e_1718453938.jpg._1)
عید پر بسیار خوری سے اجتناب ضروری
Eid Par Basyar Khori Se Ijtinab Zaroori
![Malaria - Bachao Mumkin Bhi, Sahal Bhi](https://photo-cdn.urdupoint.com/show_img_new/health/health_article_images/2024/220x220/pic_5a4c5_1718024284.jpg._1)
ملیریا ۔ بچاؤ ممکن بھی، سہل بھی
Malaria - Bachao Mumkin Bhi, Sahal Bhi
![Raat Ke Aadhe Pehar](https://photo-cdn.urdupoint.com/show_img_new/health/health_article_images/2024/220x220/pic_d1642_1717677762.jpg._1)
رات کے آدھے پہر
Raat Ke Aadhe Pehar
![Ji Haan Hum TB Ka Khatma Kar Sakte Hain](https://photo-cdn.urdupoint.com/show_img_new/health/health_article_images/2024/220x220/pic_1dbcb_1717245231.jpg._1)
جی ہاں ہم ٹی بی کا خاتمہ کر سکتے ہیں
Ji Haan Hum TB Ka Khatma Kar Sakte Hain
![Hum Ziada Kyun Soyen](https://photo-cdn.urdupoint.com/show_img_new/health/health_article_images/2024/220x220/pic_e287b_1714826151.jpg._1)
ہم زیادہ کیوں سوئیں
Hum Ziada Kyun Soyen
![Mah E Siyam Aur Ziabetus](https://photo-cdn.urdupoint.com/show_img_new/health/health_article_images/2024/220x220/pic_24b3c_1711197365.jpg._1)
ماہِ صیام اور ذیابیطس
Mah E Siyam Aur Ziabetus
![Roza Aur Sehat](https://photo-cdn.urdupoint.com/show_img_new/health/health_article_images/2024/220x220/pic_a253a_1710764425.jpg._1)
روزہ اور صحت
Roza Aur Sehat
![Badalta Mausam Udaas Kyun Kar Deta Hai](https://photo-cdn.urdupoint.com/show_img_new/health/health_article_images/2024/220x220/pic_bccd8_1709211834.jpg._1)
بدلتا موسم اداس کیوں کر دیتا ہے
Badalta Mausam Udaas Kyun Kar Deta Hai
![Faqa Karna Mutadid Bimariyon Ke Khilaf Mufeed Qarar](https://photo-cdn.urdupoint.com/show_img_new/health/health_article_images/2024/220x220/pic_c2211_1707828297.jpg._1)
فاقہ کرنا متعدد بیماریوں کے خلاف مفید قرار
Faqa Karna Mutadid Bimariyon Ke Khilaf Mufeed Qarar