بند کریں
صحت صحت کی خبریںضلع وہاڑی میں 18 ستمبر سے شروع ہونے والی تین روزہ انسداد پولیو مہم کے انتظامات کو حتمی شکل ..

صحت خبریں

وقت اشاعت: 15/09/2017 - 13:27:05 وقت اشاعت: 15/09/2017 - 11:32:51 وقت اشاعت: 14/09/2017 - 21:52:54 وقت اشاعت: 14/09/2017 - 21:52:51 وقت اشاعت: 14/09/2017 - 21:48:22 وقت اشاعت: 14/09/2017 - 21:48:18 وقت اشاعت: 14/09/2017 - 21:32:58 وقت اشاعت: 14/09/2017 - 21:09:57 وقت اشاعت: 14/09/2017 - 15:23:30 وقت اشاعت: 14/09/2017 - 15:15:52 وقت اشاعت: 14/09/2017 - 15:14:14

ضلع وہاڑی میں 18 ستمبر سے شروع ہونے والی تین روزہ انسداد پولیو مہم کے انتظامات کو حتمی شکل دے دی گئی

وہاڑی۔ (اُردو پوائنٹ اخبارتازہ ترین۔ 14 ستمبر2017ء)ضلع وہاڑی میں 18 ستمبر سے شروع ہونے والی تین روزہ انسداد پولیو مہم کے دوران ضلع بھر کے پانچ سال تک کی عمر کے 5لاکھ 30 ہزار 229 بچوں کو پولیو کے قطرے پلانے کے انتظامات کو حتمی شکل دے دی گئی اس سلسلے میں ڈپٹی کمشنر علی اکبر بھٹی نے ایک اجلاس کے دوران افسران کو ضروری ہدایت کی ہے دریائی اور دشوار گزار علاقوں میں پولیو ٹیموں کی موجودگی یقینی بنائی جائے محکمہ اوقاف کی مساجد کے علاوہ دیگر مساجد میں جمعةالمبارک کے خطبات میں پولیو ویکسین کی اہمیت بارے عوام کو آگاہی دی جائے اس مہم کو قومی فریضہ کے طور پر انجام دیا جائے ۔

انہوں نے کہا کہ عوام بھی اپنے بچوں کو پولیو جیسے مہلک مرض سے محفوظ رکھنے کے لیے پولیو ویکسین کے قطرے پلانے میں ذمہ داری کا مظاہرہ کریں ۔اجلاس کو بتایا گیا کہ پولیو مہم کے دوران ضلع بھر میں 1292 ٹیموں گھر گھر جا کر قطرے پلانے کے ساتھ بس، ویگن اڈوں اور سٹاپس کے علاوہ ریلوے اسٹیشنز پر قطرے پلانے کا فریضہ انجام دیں گی جبکہ ان کی مانیٹرنگ کے لیے ضلعی، تحصیل اورزونل سپروائزر فرائض انجام دیں گے ۔اجلاس میں اے سی بوریوالا راؤ تسلیم اختر، ڈی ایم او خضر حیات بھٹی،سی ای او ایجوکیشن شوکت علی طاہر ،زونل خطیب اوقاف مولانا قاضی محمد وہاج، ڈی ایچ او ڈاکٹر خالد جاوید، ڈی او بہبود آبادی راؤ راشد حفیظ، ڈپٹی ڈائریکٹر سوشل ویلفیئر رائے اختر اظہر اور دیگر افسران شریک تھے۔
14/09/2017 - 21:48:18 :وقت اشاعت