ایم ٹی آئی خیبر ٹیچنگ ہسپتال میں مکمل باڈی سی ٹی سکین مشین جلد کام شروع کردیگا،ترجمان

پشاور۔ (اُردو پوائنٹ اخبارتازہ ترین - اے پی پی۔ 31 مئی2019ء) مکمل باڈی سی ٹی سکین مشین خیبرٹیچنگ ہسپتال کے شعبہ ایکسیڈنٹ اینڈایمرجنسی ڈیپارٹمنٹ میں عیدکے بعد نصب کردی جائے گی،جس کی بدولت ہسپتا ل کے مریض اور خصوصاً ایمرجنسی کی صورت میں لائے گئے مریضوں کو تشخیص کرنے میں جلد مدد حاصل ہو گی، جہاں مریض کو کم قیمت میں بہترین سی ٹی سکین کی سہولت فراہم ہو گی۔

ترجمان کے مطابق یہ پرانی سی ٹی سکین میں حائل مشکلات اور حدوں کو ختم کر کے سی ٹی سکین کی منفرد ، جدید اور بہتر نتائج دیتی ہے۔ اس میں تابکاری کی مقدار بھی کم ہوتی ہے اور AIDR-3Dسے مریضوں کو تابکاری کے اثرات سے محفوظ رکھتا ہے،یہ جدید ترین سی ٹی سکین مشین 3Dایمیج 60تصویر فی سیکنڈ کی برق رفتاری سے کھنچتی ہے جس سے تشخیص میں بہتری اور تیزی پیدا ہوتی ہے، یہ پیچیدہ تکنیک یعنی SEMARکو استعمال کرتی ہے جس سے دھاتی امپلانٹ کو دیکھا جا سکتا ہے جس سے ہڈی کو بھی دیکھا جا تا ہے جہاں یہ دھات نصب ہوتی ہے اورخصوصاً دل کے مریضوں کے تشخیص میں کارآمد ہے اس کے دیگر خصوصیات جس میں موٹاپے کے شکار مریضوں کا سی ٹی سکین بھی با آسانی سے ہوتا ہے۔

(جاری ہے)

اس مشین کی بدولت ٹراما کے مریض ڈاکٹروں کے تشخیص کے لئے انتہائی مفید ثابت ہوتی ہے۔ عنقریب اس مشین کے نصب ہونے سے خصوصاً ٹراما کے مریض جو کہ ایمرجنسی میں لائے جاتے ہے جلد فائدہ اُٹھائی گی ۔ خیبر ٹیچنگ ہسپتال کے بورڈ آف گورنر کی انتھک کوششوں سے کہ ہسپتال کو صوبے کا بہترین ہسپتال بنا نا اور ہر قسم کے نئی ٹیکنالوجی سے آراستہ کرنا اور خصوصاً مریضوں کے علاج ومعالجے اور پوسٹ گریجویٹ ٹریننگ کو مزید وسعت دینا اور ادارے کو مزید مستحکم کرنے کے لئے کوشاں ہے۔

خیبر ٹیچنگ ہسپتال کے موجودہ انتظامی سربراہ ڈاکٹر نیک داد اور اُن کے سٹاف جو کہ دن رات ہسپتال کے بہتری کے لئے کوشاں ہیں ان کی کاوشوں سے اس سی ٹی سکین مشین کی خریداری ممکن ہو سکی۔یہ سی ٹی سکین مشین لاکھوں مریضوں کو جلد تشخیص میں کارآمد ثابت ہو گا۔ سال2018 میں تقریباً 15786مریضوں کو سی ٹی سکین کی سہولت فراہم کر دی گئی تھی۔ اس جدید ترین مشین کے نصب ہونے کے بعد مریضوں کو دوچندہ فائدہ حاصل ہو گا۔

اس مشین کے نصب کا کام عید کے بعد شروع ہو گی اور تقریباً ایک ماہ میں مکمل ہو جائے گی۔موجودہ صوبائی محکمہ صحت جو کہ صحت کی فراہمی کی نظام پر خصوصاً توجہ دی رہی ہیں۔ اور خاص کرپرانے نظام کے نقائص کو دور کرنے اور ساتھ ساتھ دور دراز کے علاقوں کو صحت کے بنیادی ضروریات بروقت پہنچانا ہے۔ محکمہ صحت نے خیبر ٹیچنگ ہسپتال کے ایکسیڈنٹ اینڈ ایمرجنسی ڈپیارٹمنٹ کو جدید آلات کی خریداری کے لئے فنڈ فراہم کر رہے ہے۔ بہت جلد ایک نیا اور جدید ترین 1.5ٹیسلا MRI(1.5 tesla)مشین کی خریداری کا عمل چل رہا ہے،جس کے لئے تمام قانونی کارروائی مکمل کی گئی ہے۔