ہیلتھ کیئر کمیشن کے افسران کا نجی لیبارٹریز اور میڈیکل سٹورز کا معائنہ، 9 لیبارٹریز اور میڈیکل سٹورز سیل

ہری پور (اُردو پوائنٹ اخبارتازہ ترین - اے پی پی۔ 22 اگست2019ء) ہیلتھ کیئر کمیشن کے افسران نے ایوب میڈیکل کمپلیکس کے اطراف نجی لیبارٹریز اور میڈیکل سٹورز کا معائنہ کر کے 9 لیبارٹریز اور میڈیکل سٹورز کو ایکسپارئرڈ کیمیکلز، نان رجسٹریشن، لائسنس نہ ہونے اور کوالیفائیڈ عملہ کی عدم موجودگی کی بناء پر سیل جبکہ 8 کو ہیلتھ کیئر کمشن کے قوانین کی خلاف ورزی پر چالان جاری کئے۔

تفصیلات کے مطابق شہریوں سے موصول ہونے والی شکایات کے پیش نظرضلعی انتظامیہ اور ہیلتھ کیئر کمشن کے افسران کا لیبارٹریز، ایکسرے، میڈیکل سٹورز اور ای سی جی سروس پرووائڈرز کا معائنہ کیا۔ معائنہ کے دوران 9 لیبارٹریز اور میڈیکل سٹورز کو ایکسپارئرڈ کیمیکلز، نان رجسٹریشن، لائسنس نہ ہونے اور کوالیفائیڈ عملہ کی عدم موجودگی کی بنا پر سیل کیا گیا جبکہ آٹھ کو ہیلتھ کیئرکمشن کے قوانین کی خلاف ورزی پر چالان جاری کئے گئے۔

(جاری ہے)

ضلعی انتظامیہ نے کہا کہ شہریوں کو صحت کی بہترین سہولیات کی فراہمی کیلئے پر عزم ہیں، عوام کی خدمت ہمارا نصب العین ہے، اس سلسلہ میں ضلعی انتظامیہ اور متعلقہ ادارے اپنی کاروائیوں کے دائرہ کار کو بتدریج بڑھا رہے ہیں تاکہ صحت جیسے معتبر شعبہ میں قانون کی خلاف ورزی کرنے والے عناصر کے خلاف سخت کاروائی عمل میں لائی جا سکے۔ شہری اپنی شکایات اور مسائل سے ضلعی انتظامیہ کو پاکستان سٹیزن پورٹل موبائل ایپ کے ذریعہ آگاہ کریں اور مزید معلومات کیلئے ضلعی انتظامیہ سے رابطہ کریں۔

Your Thoughts and Comments