بند کریں
صحت صحت کی خبریںصوبائی حکومت نے میرافیلبوس کو پہلی خاتون محتسب پنجاب تعینات کر دیا، نوٹیفکیشن جاری، میرافیلبوس، ..

صحت خبریں

وقت اشاعت: 23/02/2013 - 16:01:08 وقت اشاعت: 23/02/2013 - 14:22:58 وقت اشاعت: 23/02/2013 - 12:51:55 وقت اشاعت: 22/02/2013 - 19:56:16 وقت اشاعت: 22/02/2013 - 19:54:48 وقت اشاعت: 22/02/2013 - 18:51:07 وقت اشاعت: 22/02/2013 - 18:47:53 وقت اشاعت: 22/02/2013 - 18:47:53 وقت اشاعت: 22/02/2013 - 18:46:40 وقت اشاعت: 21/02/2013 - 23:50:49 وقت اشاعت: 21/02/2013 - 22:59:23

صوبائی حکومت نے میرافیلبوس کو پہلی خاتون محتسب پنجاب تعینات کر دیا، نوٹیفکیشن جاری، میرافیلبوس، صوبائی محتسب کے دفتر میں اپناکام فوری طورپرشروع کریں گی،ملکی تاریخ میں پہلی خاتون محتسب کے تقرر سے خواتین کے مسائل ترجیحی بنیادپر حل ہوسکیں گے،ملازمت پیشہ خواتین کو ہراساں کرنے کی شکایات کا فوری ازالہ ممکن ہوسکے گا،مختصر مدت میں خواتین پیکیج پر عملدرآمدکیاگیا ، سیکرٹری محکمہ ترقی خواتین پنجاب ارم بخاری کی میڈیا سے گفتگو

لاہور(اُردو پوائنٹ اخبار تازہ ترین۔آئی این پی۔22فروری۔2013ء)پنجاب حکومت نے معروف ماہر تعلیم میرافیلبوس کوملکی تاریخ میں پہلی مرتبہ صوبہ پنجاب کی خاتون محتسب تعینات کر دیا ہے،اس سلسلے میں باقاعدہ نوٹیفکیشن جاری کردیاگیا ہے۔ جمعہ کو میڈیاسے گفتگو میں سیکرٹری محکمہ ترقی خواتین پنجاب ارم بخاری نے کہاکہ صوبہ پنجاب میں پہلی خاتون محتسب کے تقرر کے ساتھ وزیراعلیٰ پنجاب کے خواتین کی معاشی ترقی ، خوداختیاری اور سماجی تحفظ پر مبنی خواتین پیکیج پر مختصر مدت میں عملدرآمدکیاگیا ہے جس کا اعلان انہوں نے 8مارچ 2012ء کو کیا تھا۔

ارم بخاری نے کہا کہ خاتون محتسب کے تقرر سے تمام خواتین کے مسائل ترجیحی بنیادوں پر حل ہوسکیں گے۔خصوصاً ملازمت/کام کرنے والی خواتین کو اپنی ملازمت /کام کی جگہ پر قانونی تحفظ حاصل ہوگا اور انہیں ہراساں کرنے کی شکایت کا فوری طور پر ازالہ ممکن ہوسکے گا۔سیکرٹری محکمہ ترقی خواتین نے کہا کہ ایسی ملازمت پیشہ خواتین جومحکمانہ انکوای کمیٹی میں خود کو ہراساں کرنے کی شکایت نہیں کرنا چاہتیں،وہ براہ راست اپنی شکایت کے ازالے اور اپیل کیلئے خاتون محتسب سے رجوع کرسکیں گی۔

انہوں نے کہا کہ خاتون محتسب کے دفتر اور عملے کی تقرری کیلئے سمری وزیراعلیٰ کو بھجوا دی گئی ہے۔حکومت کی ہدایات کی روشنی میں خاتون صوبائی محتسب فوری طور پر صوبائی محتسب کے دفتر میں کام کا آغاز کریں گی۔ارم بخاری نے کہا کہ وزیراعلیٰ پنجاب کا خواتین پیکیج صوبہ پنجاب کی خواتین کو معاشی طور پر بااختیار بنانے اور انہیں فیصلہ سازی کے عمل میں شریک کرنے کیلئے ایک کثیرالجہتی پیکیج ہے جو خواتین کیلئے مشعل راہ اور مثبت تبدیلی کا پیش خیمہ ہے۔
22/02/2013 - 18:51:07 :وقت اشاعت