بند کریں
صحت صحت کی خبریںملک میں مہنگائی کی لہرجاری ،گزشتہ ایک ہفتے کے دوران 12 اشیاء کی قیمتیں بڑھیں،سب سے زیادہ بوجھ ..

صحت خبریں

وقت اشاعت: 04/03/2013 - 20:25:49 وقت اشاعت: 04/03/2013 - 20:25:49 وقت اشاعت: 04/03/2013 - 17:03:23 وقت اشاعت: 04/03/2013 - 17:02:24 وقت اشاعت: 01/03/2013 - 18:29:46 وقت اشاعت: 01/03/2013 - 16:59:51 وقت اشاعت: 01/03/2013 - 16:24:50 وقت اشاعت: 01/03/2013 - 15:33:37 وقت اشاعت: 01/03/2013 - 15:31:48 وقت اشاعت: 01/03/2013 - 14:18:57 وقت اشاعت: 27/02/2013 - 18:58:32

ملک میں مہنگائی کی لہرجاری ،گزشتہ ایک ہفتے کے دوران 12 اشیاء کی قیمتیں بڑھیں،سب سے زیادہ بوجھ غریب طبقے پر پڑا

اسلام آباد(اُردو پوائنٹ اخبار تازہ ترین۔ آئی این پی۔ 1مارچ 2013ء) ملک میں مہنگائی کی لہرجاری، گزشتہ ایک ہفتے کے دوران 12 اشیاء کی قیمتیں بڑھیں جس کا سب سے زیادہ بوجھ غریب طبقے پر پڑا ۔ جمعہ کووفاقی ادارہ شماریات کی طرف سے جاری کردہ اعداد و شمار کے مطابق 28 فروری کو ختم ہونے والے ہفتے کے دو ران ملک میں مجموعی طور پر 12 اشیاء کی قیمتیں مزید بڑھ گئیں جبکہ اس دوران 14 اشیاء کی قیمتوں میں معمولی کمی اور27 کی قیمتوں میں استحکام ریکارڈ کیا گیا ہے۔

گزشتہ ہفتے کے دوران جن اشیاء کی قیمتوں میں اضافہ ہوا ان میں پیاز ‘ لہسن ‘ مرغی کے انڈے ‘ کیلا ‘ چاول ‘ باسمتی ‘ گوشت ‘ انرجی سیور بلب ‘ خشک نمک اور تیل سرسوں شامل ہیں۔ تاہم اس دوران ٹماٹر ‘ ایل پی جی ‘ مرغی‘ دال چنا ‘ سرخ مرچ ‘ دال مونگ ‘ دال مسور ‘ ‘ چینی ‘ گندم ‘ گڑ ‘ گندم کا آٹا اور سبزیاں شامل ہیں۔ 28 فروری 2013ء کو ختم ہونے والے ہفتے کے دوران گزشتہ 8 سال کے اس ہفتے کی نسبت حساس اشاریوں میں افراط زر کی شرح میں 6.19 فیصد اضافہ ریکارڈ کیا گیا ہے جس کا سب سے زیادہ نقصان ملک کے غریب اور متوسط طبقے پر پڑا ہے۔

اس دوران 8 ہزار روپے تک آمدنی والے طبقے کے لئے حساس اشاریوں میں افراط زر کی شرح 8.75 فیصد ‘ 12 ہزار روپے تک آمدنی والے طبقے کے لئے 10.23 فیصد ‘ 18 ہزارر روپے تک کی آمدنی والے طبقے کیلئے 9.54 فیصد ‘ 35 ہزار وپے تک کی آمدنی والے طبقے کیلئے 5.12 فیصد او راس سے زائد آمدنی والے طبقے کیلئے 2.18 فیصد اضافہ ریکارڈ کیا گیا ہے۔
01/03/2013 - 16:59:51 :وقت اشاعت