بند کریں
صحت صحت کی خبریںپیپلزپارٹی سٹی کے کارکنان حسب سابق شہیدبھٹو کی برسی بھرپورانداز سے منائیں گے‘شہیدبھٹو،شہید ..

صحت خبریں

وقت اشاعت: 29/03/2013 - 22:11:59 وقت اشاعت: 29/03/2013 - 22:11:59 وقت اشاعت: 29/03/2013 - 22:02:42 وقت اشاعت: 29/03/2013 - 22:02:04 وقت اشاعت: 29/03/2013 - 21:55:47 وقت اشاعت: 28/03/2013 - 15:01:21 وقت اشاعت: 27/03/2013 - 20:56:54 وقت اشاعت: 27/03/2013 - 20:51:51 وقت اشاعت: 27/03/2013 - 20:46:09 وقت اشاعت: 27/03/2013 - 16:00:21 وقت اشاعت: 26/03/2013 - 21:14:46

پیپلزپارٹی سٹی کے کارکنان حسب سابق شہیدبھٹو کی برسی بھرپورانداز سے منائیں گے‘شہیدبھٹو،شہید بے نظیربھٹونے ساری زندگی غریب عوام کے حقوق کی بات کی“صدرزرداری کی قیادت میں پی پی کارکنان جدوجہدمیں مصروف عمل ہیں‘ ہم نے محترمہ کے یوم شہادت پر درجنوں کی تعدادمیں خون کے عطیات تھیلیسیمیا کے مریضوں کو دے کر ایک نئی مثال قائم کی ہے، ڈپٹی ایڈمنسٹریٹرمیونسپل کارپوریشن مظفر آباد شیخ اظہر کی پارٹی کارکنوں کے وفود سے بات چیت

مظفرآباد(اُردو پوائنٹ تازہ ترین اخبار۔آئی این پی۔ 28مارچ 2013ء) ڈپٹی ایڈمنسٹریٹرمیونسپل کارپوریشن مظفر آباد شیخ اظہر نے کہاہے کہ پیپلزپارٹی سٹی کے کارکنان پارٹی کے بانی چئیرمین شہیدذوالفقارعلی بھٹوکی برسی بھرپورعقیدت واحترام اور اس عزم وعہدکی تجدید کے ساتھ منائیں گے کہ بھٹوشہیدکے فلسفے کے مطابق ملکی سلامتی،خوشحالی،جمہوریت اور عوام کی فلاح وبہبود کا مشن جاری رہے گا۔

شہیدذوالفقارعلی بھٹو،شہیدرانی محترمہ بے نظیربھٹونے ساری زندگی غریب عوام کے حقوق کی بات کی اور عالمی استعمار کے پنجے میں جکڑے ہوئے ملک کو بام عروج پر پہنچانے کی بنیادرکھی،اسی فلسفہ کو آگے برھاتے ہوئے صدرپاکستان آصف علی زرداری کی قیادت میں پی پی کارکنان جدوجہدمیں مصروف عمل ہیں۔ وہ جمعرات کو اپنے آفس میں پارٹی کارکنوں اور مختلف عوامی وفودسے گفتگوکر رہے تھے۔

شیخ اظہرنے کہاہے کہ پیپلزپارٹی سٹی کے کارکنان حسب سابق امسال بھی شہیدبھٹو کی برسی بھرپورانداز سے منائیں گے۔انہوں نے کہاکہ ہم نے شہیدرانی محترمہ بے نظیربھٹوکے یوم شہادت پر درجنوں کی تعدادمیں اپنے خون کے عطیات تھیلیسیمیا کے مریضوں کو دے کر ایک نئی مثال قائم کی اور عملی طورپر یہ ثابت کیاکہ پی پی کارکنان خون دینے والے ہیں خون لینے والے نہیں ہیں۔شہید بھٹو کی برسی کو بھی شایان شان انداز سے منایاجائے گا۔انہوں نے کہاکہ پیپلزسیکرٹریٹ سٹی میں برسی کی بڑی تقریب منعقدکی جائے گی۔
28/03/2013 - 15:01:21 :وقت اشاعت