بند کریں
صحت صحت کی خبریںسیاست کو کوئلے کا کاروبار بنانے والے موجودہ کرپٹ انتخابی نظام پر متفق ہیں،ملک و قوم کی تقدیر ..

صحت خبریں

وقت اشاعت: 11/04/2013 - 14:27:40 وقت اشاعت: 11/04/2013 - 13:49:54 وقت اشاعت: 10/04/2013 - 23:45:24 وقت اشاعت: 10/04/2013 - 23:44:23 وقت اشاعت: 10/04/2013 - 19:33:08 وقت اشاعت: 10/04/2013 - 19:31:51 وقت اشاعت: 10/04/2013 - 19:29:48 وقت اشاعت: 10/04/2013 - 17:06:07 وقت اشاعت: 10/04/2013 - 17:05:18 وقت اشاعت: 10/04/2013 - 14:47:49 وقت اشاعت: 09/04/2013 - 23:38:30

سیاست کو کوئلے کا کاروبار بنانے والے موجودہ کرپٹ انتخابی نظام پر متفق ہیں،ملک و قوم کی تقدیر پر قابض دو فیصد طبقے کے مفادات ایک ہیں،قوم 11مئی کوموجودہ انتخابی نظام کو مسترد کر کے ملک میں حقیقی تبدیلی کی بنیاد ڈالے، عوامی تحریک کے سیکرٹری جنرل خرم نواز گنڈا پور کی عہدیداران سے بات چیت

اسلام آباد(اُردو پوائنٹ اخبار تازہ ترین۔آئی این پی۔10اپریل۔2013ء)پاکستان عوامی تحریک کے سیکرٹری جنرل خرم نواز گنڈا پور نے کہا ہے کہ سیاست کو کوئلے کا کاروبار بنانے والے موجودہ کرپٹ انتخابی نظام پر متفق ہیں ۔سیاست تو دین کا ایک جزو ہے جس کی روح عوام کی خدمت سے عبارت ہے ۔موجودہ نظام کے تحت چلنے والی نام نہاد جمہوریت میں عوام کو صرف ووٹ دینے کا حق ہے لینے کا نہیں ۔

ملک و قوم کی تقدیر پر قابض دو فیصد طبقے کے مفادات ایک ہیں مگر انہوں نے مختلف پارٹیوں کے ماسک چڑھا رکھے ہیں ۔ پاکستان عوامی تحریک کی بیداری شعور مہم ملک میں حقیقی تبدیلی کی بنیاد ثابت ہو گی۔11مئی کو ساری قوم اس فرسودہ اور ظالمانہ نظام انتخاب کو مسترد کرتے ہوئے پاکستان عوامی تحریک کے تحت ہونے والے پر امن دھرنوں میں شریک ہو کر حقیقی تبدیلی کی جدوجہد میں شامل ہو گی۔

وہ بدھ کے روز ضلعی سیکرٹریٹ اسلام آباد میں ملاقات کے لیے آنے والے پاکستان عوامی تحریک اسلام آباد اور راولپنڈی کے عہدیداران سے گفتگو کررہے تھے ۔ جبکہ اس موقع پرعمرریاض عباسی،ابراررضاایڈووکیٹ،شیدبشیرحسین شاہ،غلام علی خان، ملک افضل،شاہد شنواری،غضنفرکھوکھر،اشتیاق میرایڈووکیٹ،راجہ منیراعجاز،ملک طاہر جاوید اور دیگر بھی اس موقع پر موجود تھے ۔

انہوں نے کہا کہ موجودہ استحصالی انتخابی نظام صوبوں اور مرکز میں5سال اقتدار کے مزے لوٹنے والی سیاسی جماعتوں کے مفادات کا محافظ ہے ۔انہوں نے کہا کہ پاکستان عوامی تحریک کے قائد ڈاکٹرمحمد طاہر القادری نے حقیقی جمہوریت کا اصل دشمن موجودہ انتخابی نظام کو قرار دے کر اصل مرض کی تشخیص کردی ہے ۔قوم 11مئی کوموجودہ انتخابی نظام کو مسترد کر کے ملک میں حقیقی تبدیلی کی بنیاد ڈالے ۔

انتخابی اصلاحات کے بغیر ملک میں حقیقی جمہوریت لانا نا ممکن ہے ۔خرم نواز گنڈا پور نے کہا ہے کہ عوامی مسائل کا ذمہ دار یہ ظالمانہ نظام انتخاب ہے۔ بجلی کی غیر اعلانیہ طویل لوڈ شیڈنگ اور اشیائے خوردونوش کی قیمتوں میں ظالمانہ اضافہ کے تسلسل نے غریب عوام کی زندگی اجیرن کر دی ہے جبکہ ہوشرباء مہنگائی نے ان سے جینے کا حق بھی چھین لیا ہے۔انہوں نے کہا کہ عوام کو اپنی ذمہ داریوں کو پہچاننا ہو گا اور ملک و قوم کو مسائل کی گرداب سے نکالنے کیلئے پاکستان عوامی تحریک کا ساتھ دینا ہو گا جو ملک میں حقیقی تبدیلی کیلئے سنجیدہ ، موثر اور حقیقی جدوجہد کر رہی ہے۔
10/04/2013 - 19:31:51 :وقت اشاعت