پوری دنیا کشمیری عوام کے حق آزادی و خودمختاری کو تسلیم کرتے ہیں ،محنت کش طبقہ اور ان کے رہنماؤں نے ہمیشہ کشمیری عوام کے قومی حقوق کی بھرپور حمایت کی ،جموں کشمیر پیپلز نیشنل پارٹی سدھنوتی کے مرکزی رہنما محمد عاشق کا اجلاس سے خطاب

میرپور(اُردو پوائنٹ اخبار تازہ ترین۔آئی این پی۔14اپریل۔ 2013ء) جموں کشمیر پیپلز نیشنل پارٹی سدھنوتی کے مرکزی رہنما محمد عاشق نے کہا کہ پوری دنیا کے عوام بلکہ بھارت اور پاکستان کے اندر اگر کروڑوں نہیں تو لاکھوں ایسے لوگ موجود ہیں جو نہ کشمیری عوام کے حق آزادی و خودمختاری کو تسلیم کرتے ہیں ،محنت کش طبقہ اور ان کے رہنماؤں نے ہمیشہ کشمیری عوام کے قومی حقوق کی بھرپور حمایت کی ہے ۔

ایک ایسی آزادی کا راگ الاپتے جو ریاست کی وحدت کی بحالی اور آزادی تو دور کی بات تھی بلکہ یہ بنیادوں انسانی ضروریات بھی عوام کو مہیا نہیں کر سکے روزگار ،صحت اور تعلیم تو خیر یہ کیا عوام کو مہیا کر تے JKPNPکشمیر کی آزادی اور مساوات پر مبنی معاشرے کے قیام کے لیے کوشاں ہے ۔جموں کشمیر کے عوام کو بھی دنیا کی بڑی طاقت آزادی کے حق سے محروم نہیں رکھ سکتی ۔

(جاری ہے)

انہوں نے تو عوام سے وہ کچھ بھی چھین لیا جو تاریخی طور پر کشمیری عوام کی زندگی کا حصہ تھا جس میں نفرت نہیں تھی دوستی تھی بھائی چارہ تھا اور مشترکہ باہمی تعاون کرنے والی روائیتوں کا قتل عام کر کے نچلی سطح تک تعصب اور نفرت کا ایک اسیا زہر گھولا گیا جس سے سماج بُری طرح منتشر ہو گیا ۔خو د پسندی اور خود فریبی کے آسیب نے لوگوں کو تہہ بالا کر دیا عوام صرف دو وقت کی روٹی کے حصول کے لیے دیار غیر میں ذلت آمیز مزدوری پر مجبور ہوگئے اور لوگ اپنے سہانے خواب اور جوانی انتہائی ذلت آمیز ماحول میں بیچنے پر مجبور ہیں جن سے چھٹکارا مخص قومی جمہوری انقلاب سے ہی گزر کر حاصل کیا جا سکتا ہے ۔

JKPNP آج پھر کشمیری عوام سے عہد کرتی ہے کہ سچی حقیقی قومی آزادی کے حصول تک کسی قربانی سے دریغ نہیں کیا جائے گا ۔اجلاس سے اسلم وطنوف ،ذوالفقار ایڈووکیٹ محمد امین بیگ ایڈووکیٹ ،غالب بوستان ایڈووکیٹ ،سردار بشارت خان ،احمد سبحانی ،،ازرم وقار ،کاشر روئف ،ذوہیب احمد ،اشتیاق احمد اور دیگر نے اپنے خیالات کا اظہا رکیا ۔تمام مقررین نے کہا کہ بیرسٹر قربان علی نے JKPNPجیسی انقلابی پارٹی کی بنیاد رکھ کر کشمیری قوم پر ایک احسان اعظیم کیا ۔انہوں نے درست تجزیے کی بنیاد پر جموں کشمیر کی آزادی کے راستے کا انتخاب کی الیکن ہمارا غیر متزلزل یقین ہے کہ جموں کشمیر کے عوام خوشحال تا بناک اور صرف سوشلسٹ کشمیرکے قیام میں ہی مضمر ہے ۔