بند کریں
صحت صحت کی خبریںآزاد کشمیر ، گلگت بلتستان اور پہاڑی علاقوں میں برف باری کے باعث سرد موسم کی شدت میں مزید اضافہ ..

صحت خبریں

وقت اشاعت: 26/01/2014 - 13:54:30 وقت اشاعت: 25/01/2014 - 22:21:25 وقت اشاعت: 25/01/2014 - 22:17:44 وقت اشاعت: 24/01/2014 - 19:58:55 وقت اشاعت: 24/01/2014 - 19:56:41 وقت اشاعت: 24/01/2014 - 14:45:45 وقت اشاعت: 24/01/2014 - 13:04:25 وقت اشاعت: 23/01/2014 - 21:33:07 وقت اشاعت: 23/01/2014 - 21:29:41 وقت اشاعت: 23/01/2014 - 21:23:34 وقت اشاعت: 23/01/2014 - 19:13:16

آزاد کشمیر ، گلگت بلتستان اور پہاڑی علاقوں میں برف باری کے باعث سرد موسم کی شدت میں مزید اضافہ ، بیماریاں پھیلنے لگیں

مظفر آباد /گلگت /کوئٹہ /کراچی /لاہور /ملتان (اُردو پوائنٹ تازہ ترین اخبار۔ 24جنوری 2014ء)آزاد کشمیر ، گلگت بلتستان اور پہاڑی علاقوں میں برف باری کے باعث سرد موسم کی شدت میں مزید اضافہ ہوگیا ، پہاڑی علاقوں میں برف باری کے باعث زمینی رابطہ منقطع ہونے سے کئی علاقوں میں اشیائے ضروریہ کی قلت پیدا ہوگئی ، خشک سردی کے باعث بچوں اور بوڑھوں میں بیماریاں پھیلنے لگیں ، بجلی اور گیس کی لوڈشیڈنگ کے باعث لکڑی کی قیمتوں میں اضافہ نے شہریوں کا جینا دوبھر کر دیا ، پنجاب میں دھند کے باعث پروازیں اور ٹرین سروس متاثر ہوگئی جبکہ محکمہ موسمیات نے کہا ہے کہ آئندہ چوبیس گھنٹوں کے دوران پنجاب کے میدانی علاقوں اور سکھر ڈویژن میں رات اور صبح کے اوقات میں دھند چھائے رہنے کا امکان ہے ۔

تفصیلات کے مطابق آزاد کشمیر ، گلگت بلتستان اور پہاڑی علاقوں میں برف باری کے باعث سرد موسم کی شدت میں مزید اضافہ ہوگیاگلگت بلتستان سمیت پہاڑی علاقوں میں برف باری کے باعث زمینی رابطہ جمعہ کو بھی منقطع رہا جس کے باعث اشیائے ضروریہ کی قلت پیدا ہوگئی مقامی لوگوں نے بتایا کہ بجلی اور گیس کی لوڈشیڈنگ کے باعث لکڑی کی قیمتیں آسمان سے باتیں کرنے لگی ہیں جس کے باعث شدید مشکلات کا سامنا ہے بجلی اور گیس کی لوڈشیڈنگ کے باعث لکڑی کی قیمتوں میں اضافہ نے شہریوں کا جینا دوبھر کر دیا ادھر دھند کے باعث لاہور سے شیخوپورہ تک موٹر وے بند کر دی گئی ، ملتان روڈ پر ملتان اور بہاولپور تک دھند بڑھ جانے سے حد نگاہ صفر ہوگئی،سفر کرنے والوں کو احتیاطی تدابیر اختیار کرنے کی ہدایت کی گئی ترجمان نیشنل ہائی ویز اینڈ موٹروے کے مطابق دھند کی شدت بڑھ جانے سے بابو صابو ٹول پلازہ سے شیخوپورہ تک موٹر وے کو عام ٹریفک کیلئے بند کر دیا گیا ،ملتان روڈ پر مانگا منڈی سے اوکاڑہ،ساہیوال،خانیوال،ملتان اور بہاولپور تک بھی شدید دھند چھائی رہی حدنگاہ صفر ہونے پر موٹر وے پولیس نے غیر ضروری سفر نہ کرنے اور ناگزیر صورتحال میں فوگ لائٹس استعمال کرنے کی ہدایت کی ۔

ترجمان کا کہنا ہے کہ انتہائی ضرورت میں دوران سفر فوگ لائٹ کا استعمال ضرورکریں ادھر محکمہ موسمیات کے مطابق کم سے کم درجہ حرارت گوپس میں منفی 7، قلات اور پارہ چنار میں منفی 6، استور میں منفی 5 ،ریکارڈ کیا گیا۔ کوئٹہ میں کم سے کم درجہ حرارت منفی 4، مالم جبہ، ہنزہ منفی 3ڈگری سینٹی گریڈ رہا۔ آئندہ 24 گھنٹوں کے دوران ملک کے بیشترعلاقوں میں موسم سرد اور خشک رہنے کا امکان ہے۔ کشمیر اور گلگت بلتستان کے چند مقامات پر بارش اور پہاڑوں پر برف باری کی توقع ہے،جبکہ آئندہ 24 گھنٹوں کے دوران پنجاب کے میدانی علاقوں اورسکھرمیں دھند چھائے رہنے کا امکان ہے۔

24/01/2014 - 14:45:45 :وقت اشاعت