- Home
- Health
- Health News
- میرس وائرس اونٹ سے انسان میں منتقل ہوا،ڈاکٹرز، شہری اونٹوں کے قریب جاتے وقت ہاتھوں میں دستانے ..
میرس وائرس اونٹ سے انسان میں منتقل ہوا،ڈاکٹرز، شہری اونٹوں کے قریب جاتے وقت ہاتھوں میں دستانے اور منہ پر ماسک پہنیں،سعودی عرب کاانتباہ
لندن،جدہ (اُردو پوائنٹ اخبار تازہ ترین۔5جون۔2014ء) ڈاکٹروں کا کہناہے کہ ایسے شواہد حاصل ہو گئے ہیں جن سے معلوم ہوتا ہے کہ خطرناک میرس وائرس اونٹوں سے انسانوں میں منتقل ہوا ہے۔سعودی عرب اب تک میرس یعنی مڈل ایسٹ ریسپائریٹری سنڈروم سے سب سے زیادہ متاثر ہوا ہے اور اس وائرس کی زد میں 2012 سے اب تک ہلاک ہونے والوں کی تعداد 204 تک پہنچ گئی ہے۔سعودی عرب کی حکومت نے شہریوں کو خبردار کیا ہے کہ وہ پراسرار ’میرس‘ وائرس سے بچنے کے لیے اونٹوں کے قریب جاتے وقت ہاتھوں میں دستانے اور منہ پر ماسک پہنیں۔
معروف طبی جریدے نیوانگلینڈ جرنل آف میڈیسن میں شائع ہونے والی ایک تحقیق کے مطابق سعودی عرب میں ایک اونٹ اور اس کے ہلاک ہونے والے 44 سالہ مالک میں پائے جانے والے وائرس کے نمونے یکساں تھے۔(جاری ہے)
اس شخص کا علاج جدہ کے کنگ عبدالعزیز ہسپتال میں کیا گیا تھا۔ اس شخص کے نو اونٹ تھے اور اونٹوں کے بیمار ہونے کے فوراً بعد یہ شخص خود بھی بیمار ہو گیا تھا۔
ہلاک ہونے والے شخص کو دی جانے والی ادویات کے نسخوں سے معلوم ہوا ہے کہ اس نے اونٹ کا علاج کرنے کے لیے اسے ناک کے ذریعے دوا کے قطرے دئیے تھے۔اس شخص میں پائے جانے والے وائرس اور اونٹ میں پائے جانے والے وائرس کے تجزیے سے معلوم ہوا کہ دونوں انفرادی نمونوں سے لیے جانے والے ڈی این اے کے نمونے یکساں تھے۔’حاصل شدہ معلومات کے مطابق انسانوں میں خطرناک مڈل ایسٹ ریسپائریٹری سنڈروم کرونا وائرس ایک متاثرہ اونٹ کے قریب جانے سے انسانوں میں منتقل ہوا۔‘ناٹنگھم یونیورسٹی میں وائرس سے پیدا شدہ امراض کے ماہر پروفیسر جوناتھن بال نے بی بی سی سے بات کرتے ہوئے کہا کہ ’تمام شواہد سے معلوم ہوتا ہے کہ اونٹ ہی قصور وار ہے۔ یہ غالباً پہلی بار ہے جب دونوں میں پایا جانے والا وائرس یکساں ہے اور اس کے نتیجے میں یہ انسانوں میں منتقل ہوا۔‘ابھی تک یہ معلوم کرنا باقی ہے کہ آیا متاثرہ شخص جو اونٹ کے ناک میں قطرے ڈال رہا تھا اس میں یہ وائرس سانس ہی کے ذریعے منتقل ہوا، کیونکہ اونٹنی کے دودھ میں بھی وائرس کی قابلِ ذکر مقدار پائی گئی ہے۔کیمبرج میں ویلکم ٹرسٹ سینگر انسٹی ٹیوٹ کے پروفیسر پال کیلم نے بی بی سی کو بتایا کہ ’اس تحقیق سے اس بات کو مزید تقویت ملتی ہے کہ مڈل ایسٹ ریسیپائریٹری سنڈروم کرونا وائرس اونٹوں ہی سے پھیلا ہے اور پہلی بار اونٹ میں اس وائرس کو الگ یا شناخت کیا گیا ہے۔تاہم حال میں شائع ہونے والی دیگر تحقیقات میں انسانوں میں اس مرض کی تصدیق ہونے کے بعد اونٹوں سے جو نمونے حاصل کیے گئے ان میں یہ ثابت کرنا مشکل تھا کہ حتمی طور پر یہ وائرس کہاں سے آیا۔جون 2012 میں اس وائرس کے پہلی بار منظرعام پر آنے کے بعد سے اب تک 681 افراد اس سے متاثر ہو چکے ہیں۔ابھی اب تک حتمی طور پر معلوم نہیں کہ وائرس کہاں سے آیا، لیکن کہا جاتا ہے یہ سعودی عرب میں اونٹوں سے انسانوں میں پھیلا ہے۔Browse Latest Health News in Urdu
ڈریپ نے معدے کے علاج کی دوا کا ایک بیچ غیر معیاری قرار دے دیا
ڈاؤ یونیورسٹی نے کتے کے کاٹے کی ویکسین اینٹی ریبیز ویکسین" ڈاؤ ریب" تیار کرلی
پاکستان میں مقامی طور پر انسولین کی پیداوار شروع کرنے کا مطالبہ
موٹاپے کے سبب کم عمر لڑکیوں میں جوڑوں کی تکلیف کا انکشاف
سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں
پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ
6 گھنٹے سے کم کی نیند ذیا بیطس کے اضافی خطرات کا سبب قرار
ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا
’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا
ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..
میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا
دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..
سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا
پنجاب میں 24 گھنٹوں کے دوران نمونیا سے مزید 5 بچے دم توڑ گئے
پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں
سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط
2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے
پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی
وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو
برطانیہ ،چھینک روکنے کی کوشش پرنوجوان کی سانس کی نالی پھٹ گئی
30 سال میں امراض قلب سے اموات 60 فیصد بڑھ گئیں
شادی کے بعد ہائی بلڈ پریشر کا خطرہ بڑھ جاتا ہے، تحقیق
24 گھنٹے کے دوران صوبے بھر میں 64نئے مریضوں میں ڈینگی کی تصدیق
کراچی ٹائون پلاننگ سے محروم ملک کا سب سے بڑا شہر