کورونا وباء کے دوران ڈاکٹرز کی قربانیوں کو ہمیشہ یاد رکھا جائے گا،ڈاکٹر روبینہ بشیر

کراچی (اُردو پوائنٹ اخبارتازہ ترین - این این آئی۔ 16 ستمبر2021ء) ڈی آئی جی نیشنل ہائی وے اینڈ موٹروے پولیس علی شیر جاکھرانی کی جانب سے ایم ایس سروس ہسپتال ڈاکٹر روبینہ بشیر،انچارج ICU/HDU ڈاکٹر شکیل احمد صدیقی،ڈاکٹر شکیلہ شکیل اور دیگرڈاکٹرز اور پیرا میڈیکل اسٹاف کو کورونا وباء میں خدمات سر انجام دینے پر گارڈ آف آنر پیش کیا گیااس موقع پر ڈاکٹر روبینہ بشیر نے کہاکہ کورونا وباء کے دوران ڈاکٹرز کی قربانیوں کو ہمیشہ یاد رکھا جائے گا انہوںنے کہاکہ کورونا ایک جان لیوا عالمی وباء ہے جس سے عوام کو خود بھی بچنا چاہئے اور دوسروں کو بھی محفوظ رکھنے کے لئے ایس او پیز پر سختی سے عمل کرنا چاہئے ڈاکٹر روبینہ بشیر نے کہاکہ عوام میں ویکسینیشن سے متعلق غلط پروپیگینڈے پر کان نہیں دھرنے چاہئے کیونکہ کورونا سے بچنے کے لئے ایس او پیزا وراینٹی کورونا ویکسینشن کرانا ہی واحد حل ہے انہوںنے کہا کہ ویکسینیشن سے متعلق غلط پروپیگینڈے کی وجہ سے ویکسین کے بارے میں غلط فہمیاں پیدا کی جا رہی ہیں مگر عوام اب با شعور ہو گئے ہیں اور وہ کسی بھی منفی پروپیگینڈے میں نہیں آئیں گے خطاب کرتے ہوئے انچارج ICU/HDU ڈاکٹر شکیل احمد صدیقی نے کہاکہ حکومت نے پرائیویٹ ہسپتالز اور دیگر سماجی اداروں کے ساتھ ملکراینٹی کورونا ویکسیشن کی مہم شروع کر رکھی ہے جس کے نتیجے میں اب تک لاکھوں افراد کوویکسینیٹ کیا جا چکا ہے اورچند روز میں ویکسینشن کرانے والوں میں مزید اضافہ ہوگا جس سے بہت جلد عوام کو ویکسینٹ کردیا جائے گا انہوںنے کہا کہ پہلے بڑی عمر کے افراد کو ویکسینٹ کیا گیاتھا مگر اب 14سال سے زائد عمر کے تمام افراد کو ویکسینشن کرانا ضروری ہے جس سے کورونا وباء کو پھیلنے سے روکا جا سکے گااس موقع پرڈی آئی جی نیشنل ہائی وے اینڈ موٹروے پولیس علی شیر جاکھرانی نے کہاکہ ڈاکٹرز ہمارے فرنٹ لائن ہیروز ہیںجنہوں نے اپنی جان کی پرواہ کئے بغیرکورونا سے متاثرہ مریضوں کا علاج کیا انہوںنے کہاکہ موٹر وے پروہی افراد کر سکیں گے جنہیںکورونا ویکسین کی پہلی اور دوسری خوراک لگائی جا چکی ہے کیونکہ ایک شہر سے دوسرے شہرسفر کرنے والے تمام افراد کے لئے ویکسینشن کرانالازمی ہے تا کہ کورونا وائرس کو پھیلنے سے روکا جا سکے علی شیر جاکھرانی نے کہاکہ اکثر غیر ویکسیشن شدہ افراد کے ایک شہر سے دوسرے شہر جانے پر کورونا وائرس بھی ان کے ساتھ منتقل ہو رہا ہے انہوںنے کہاکہ احتیاط بہت ضروری ہے تا کہ غیر ذمہ دارانہ رویئے کی وجہ سے قیمتی انسانی جانوں کو کورونا وباء سے بچایا جا سکے تقریب کے موقع پر فرائض کی ادائیگی کے دوران اپنی جانوں کا نذانہ پیش کرنے والے ڈاکٹرز،نرسز اور دیگر پیرا میڈیکل اسٹاف کے لئے دعا مغفرت بھی کئی گئی۔