اسلام آباد ، ضلعی انتظامیہ کا ڈینگی کے پھیلائو کو روکنے کے لئے دیہی علاقوں میں سخت نگرانی کافیصلہ

اسلام آباد ، ضلعی انتظامیہ  کا ڈینگی کے پھیلائو کو روکنے کے لئے دیہی علاقوں میں  سخت نگرانی کافیصلہ
اسلام آباد(اُردو پوائنٹ اخبارتازہ ترین - اے پی پی۔ 21 ستمبر2021ء)اسلام آباد کی ضلعی انتظامیہ نے ڈینگی  وائرس کے پھیلائو کو روکنے کے لئے دیہی علاقوں میں آئندہ ہفتوں  کے دوران  سخت نگرانی کافیصلہ کیا ہے، کورال اور سوہان کے کنارے دیہی اسلام آباد میں احتیاطی تدابیر کے ساتھ آگاہی مہم شروع کی گئی ہے۔اسسٹنٹ کمشنر رورل کیپٹن (ر) زخرف فداملک کی جانب سے جاری تفصیلات کے مطابق محکمہ صحت کی ٹیم  کے نوٹس میں آیا ہے کہ سواں گارڈن بلاک ایچ کے اندر تمام زیر تعمیر کمرشل اور رہائشی عمارتوں کی بیسمنٹ میں ڈینگی لاروا کثرت سے موجود ہے جو قیمتی انسانی جانوں کے ضیاع کاسبب بن سکتاہے لہٰذا تمام بلڈنگ مالکان سے گزارش کی جاتی ہے کہ  عمارتوںمیں جمع شدہ پانی کوختم کریں اور واٹر ٹینک کو ڈھانپ کررکھیں تاکہ اس موذی مرض سے اپنے آپ اور اپنے اہل علاقہ کو بچایا جاسکے۔

(جاری ہے)

انہوں نے کہا  کہ ڈینگی لاروے کے خاتمے کے لئے  محکمہ صحت کی ٹیمیں فیومی  گیشن بھی کررہی ہیں ۔ زخرف فدا ملک نے  کہا کہ ڈینگی سے بچائو کیلئے شہریوں کیلئے ہدایات جاری کی  گئی ہیں،ان سے گزارش کی گئی ہے کہ ڈینگی سے بچائوکیلئے  ماحول کو صاف ستھرا رکھیں، گھروں کے اندر اور باہر کوڑا کرکٹ اور پانی جمع نہ ہونے دیں، پانی کی ٹینکی کو ڈھانپ کر رکھیں، ٹائروں کی دکانیں ، کباڑ خانے، زیر تعمیر عمارتیں اور نرسری کے مالکان مچھروں کی افزائش کو روکنے کیلئے خصوصی ہدایات پر عمل  کریں۔ ایڈمنسٹریٹر سوسائٹیز کی ہدایت پر محکمہ صحت کی ٹیمیں مختلف اوقات میں سوسائٹیز میں سپرے کر رہی ہیں سپرے کے دوران محکمہ صحت کی ٹیموں اور سوسائٹی کے عملہ کے ساتھ تعاون کریں۔

Your Thoughts and Comments