فیصل آباد کے رورل ہیلتھ سنٹرزاورتحصیل ہیڈکوارٹرز ہسپتالوں کی ایمرجنسی وارڈز میں پینے کے پانی کا انتظام نہ ہونیکا انکشاف

فیصل آباد(اُردو پوائنٹ اخبارتازہ ترین - این این آئی۔ 22 جنوری2022ء)فیصل آباد کے رورل ہیلتھ سنٹرزاورتحصیل ہیڈکوارٹرز ہسپتالوں کی ایمرجنسی وارڈز میں پینے کے پانی کا انتظام نہ ہونیکا انکشاف‘بعض شہریوں کی طرف سے وزیراعظم کے سٹیزن پورٹل پر شکایت کی گئی کہ فیصل آباد کے تمام آرایچ سی اورٹی ایچ کیو ہسپتالوں کی ایمرجنسی وارڈز میں مریضوں کے پینے کے پانی کاکوئی انتظام نہ کیاگیا ہے اورہسپتالوں میں آنیوالے مریضوں کو ہسپتال کی کنٹین یا باہر دکانوں سے منرل وارٹرخرید کر دیا جاتا ہے ۔

(جاری ہے)

وزیراعظم سٹیزن پورٹل پرشکایت آتے ہی سی ای او ہیلتھ ڈاکٹربلال احمد نے اس کا نوٹس لیتے ہوئے تحصیل ہیڈکوارٹرز ہسپتالوں کے میڈیکل سپرنٹنڈنٹس اوررورل ہیلتھ سنٹرز کے ایس ایم اوز کو مراسلہ جاری کرتے ہوئے کہا ہے کہ وہ فوری طور پر اپنے اپنے ہسپتالوں میں ایمرجنسی وارڈزسمیت دیگروارڈز میں مریضوں کیلئے پینے کے صاف پانی کا فوری انتظام کیا جائے اور پینے کے صاف پانی کے انتظامات کرنے کے بعد رپورٹ فراہم کی جائے ایسا نہ کرنیوالے افسران کیخلاف محکمانہ کارروائی عمل میں لائی جائیگی۔

Your Thoughts and Comments