رحمان ملک کا الطاف حسین کو ٹیلی فون، سالگرہ کی مبارکباد پیش،صحت وتندرستی کیلئے نیک خواہشات کا اظہار

لندن (اُردو پوائنٹ اخبار تازہ ترین۔18ستمبر 2014ء)پیپلز پارٹی کے رہنماء سینیٹر رحمان ملک نے ایم کیوایم کے قائد الطاف حسین کو ٹیلی فون کر کے انکی 61ویں سالگرہ کی دلی مبارکباد پیش کی اور ان کی صحت وتندرستی کیلئے نیک خواہشات کا اظہار کیا ۔ گفتگو میں ملک کی مجموعی سیاسی ومعاشی صورتحال ،سیلاب کی تباہ کاریوں، حکومت اور دھرنے دینے والی جماعتوں کے درمیان مذاکرات اور دیگر امور پر تبادلہ خیا ل کیا گیا ۔ الطاف حسین نے رحمان ملک سے پی آئی اے کے جہاز میں پیش آنے والے واقعہ کی تفصیل بھی معلوم کی ۔رحمان ملک نے الطاف حسین کو بتایا کہ پی آئی اے فلا ئٹ کی تاخیر میں مجھے بلاوجہ ملوث کر کے بدنام کیا جارہا ہے اور جو لوگ اس عمل میں ملوث ہیں وہ میرے خلاف سازش کررہے ہیں۔