بند کریں
صحت صحت کی خبریں پاکستان سمیت دنیا بھر میں پاگل کتے کے کاٹنے سے لاحق ہونے والی بیماری باؤلے پن سے آگاہی کا ..

صحت خبریں

وقت اشاعت: 27/09/2014 - 16:22:03 وقت اشاعت: 27/09/2014 - 16:20:48 وقت اشاعت: 27/09/2014 - 14:36:56 وقت اشاعت: 27/09/2014 - 14:32:16 وقت اشاعت: 27/09/2014 - 14:28:54 وقت اشاعت: 27/09/2014 - 14:27:39 وقت اشاعت: 27/09/2014 - 14:24:27 وقت اشاعت: 27/09/2014 - 13:44:30 وقت اشاعت: 27/09/2014 - 13:22:29 وقت اشاعت: 27/09/2014 - 13:03:11 وقت اشاعت: 26/09/2014 - 23:05:45

پاکستان سمیت دنیا بھر میں پاگل کتے کے کاٹنے سے لاحق ہونے والی بیماری باؤلے پن سے آگاہی کا عالمی دن ” ورلڈ ریبیز ڈے “ کل منایا جائے گا

اسلام آباد،جہانیاں(اُردو پوائنٹ اخبار تازہ ترین۔27ستمبر۔2014ء) پاکستان سمیت دنیا بھر میں پاگل کتے کے کاٹنے سے لاحق ہونے والی بیماری باؤلے پن سے آگاہی کا عالمی دن ” ورلڈ ریبیز ڈے “ 28ستمبراتوارکومنایا جائے گا اس دن کے منانے کا مقصد باؤلے کتوں اور دیگر پالتو جانوروں کے کاٹنے سے پیدا شدہ بیماری ریبیز یعنی باؤلے پن اور اس کے نقصانات کے متعلق لوگوں کو آگاہ کرنا ہے اس دن کے حوالے سے محکمہ صحت اور سماجی تنظیموں کے زیر اہتمام مختلف ورکشاپس،سیمینارز،کانفرنسز اور دیگر تقریبات کا اہتمام کیا جائے گا جس میں پاگل کتوں ،پالتوجانوروں اور خونخوار جانوروں سے بچاؤ اور اس کے کاٹنے سے پیدا شدہ پیچیدگیوں کے متعلق آگاہی فراہم کی جائے گی تحصیل جہانیاں میں پوسٹرز اور ہینڈ بلز کے ذریعے عوام کو پاگل کتے کے کاٹنے سے ہونیو الی بیماری باؤلے پن اور اس کے علاج کے متعلق معلومات فراہم کی جائیں گی۔

تحصیل ہیڈ کوارٹر ہسپتال جہانیاں کے میڈیکل آفیسر ڈاکٹر سعید ٹیپو نے بتایا ہے کہ پاگل کتے کے کاٹنے سے لاحق ہونے والی بیماری باؤلا پن سو فیصد جان لیوا ہے اور ملک بھر میں سالانہ دو سے پانچ ہزار اموات ریبیز سے ہوتی ہیں۔ ورلڈ ریبیز ڈے دنیا بھر میں پہلی مرتبہ 28ستمبر 2007ء کو منایا گیا تھا جس کے بعد ہر سال پاکستان سمیت دنیا بھر میں28ستمبر کو ورلڈ ریبیز ڈے منایا جاتا ہے ایک رپورٹ کے مطابق دنیا بھر میں ہر برس پچپن ہزار لوگ پاگل کتوں کے کاٹنے سے زہریلے وائرس کا شکارہو کر مر جاتے ہیں جن میں95فیصد ہلاکتیں ایشیا ء اور افریقی ممالک میں ہوتی ہیں اکثر انسانی اموات کتوں کے کاٹنے سے ہوتی ہیں 15برس سے کم عمر کے تیس سے ساٹھ فیصد بچے کتوں کے کاٹنے سے متاثر ہوتے ہیں۔

27/09/2014 - 14:27:39 :وقت اشاعت