بند کریں
صحت صحت کی خبریںباجوڑ ایجنسی:پولیو ٹیموں کی سیکیورٹی پر مامور گاڑی پر بم حملہ، اہلکاروں سمیت تین زخمی

صحت خبریں

وقت اشاعت: 22/10/2014 - 12:41:22 وقت اشاعت: 22/10/2014 - 12:40:15 وقت اشاعت: 22/10/2014 - 12:38:51 وقت اشاعت: 22/10/2014 - 12:34:35 وقت اشاعت: 22/10/2014 - 12:26:18 وقت اشاعت: 22/10/2014 - 11:40:10 وقت اشاعت: 21/10/2014 - 23:07:49 وقت اشاعت: 21/10/2014 - 21:20:01 وقت اشاعت: 21/10/2014 - 19:12:12 وقت اشاعت: 21/10/2014 - 18:48:45 وقت اشاعت: 21/10/2014 - 18:39:27

باجوڑ ایجنسی:پولیو ٹیموں کی سیکیورٹی پر مامور گاڑی پر بم حملہ، اہلکاروں سمیت تین زخمی

باجوڑ (اُردو پوائنٹ اخبار تازہ ترین۔22اکتوبر 2014ء)باجوڑ ایجنسی میں انسداد پولیو ٹیمیوں کی حفاظت پر مامور لیویز اہلکاروں کی گاڑی پر ریموٹ کنڑول بم حملے میں دو لیویز اہلکاروں سمیت تین افراد شدید زخمی ہو گئے ہیں ۔ دھماکہ سے گاڑی کو سخت نقصان پہنچا ہے ۔ باجوڑ ایجنسی کے حکام کے مطابق دھماکہ بدھ کے روز صبح نو بجے تحصیل ماموند کے ایک دورافتادہ علاقہ ڈبر میں اس وقت ہوا جب لیویز اہلکار ایک پرائیوٹ گاڑی میں انسداد پولیو ٹیمیوں کی حفاظت کے لیے وہاں جا رہے تھے ۔

حکام کے مطابق گاڑی جب ڈبر کے ایک مقامی قبرستان کے قریب پہنچی تو نامعلوم افراد کی جانب سے سڑ ک کنارے نصب ریموٹ کنڑول بم زوردار دھماکہ سے پھٹ گیا جس کے نتیجے میں گاڑی میں سوار لیویز اہلکار اور ڈرائیور شدید زخمی ہو گئے ۔ دھماکہ سے پک اپ گاڑی کو بھی نقصان پہنچا ۔ دھماکہ کی آواز سنتے ہی مقامی لوگ اور امن کمیٹیوں کے رضاکار فوری طور پر جائے وقوع پر پہنچ گئے ۔

انھوں نے امدادی کارروائی شروع کی ، زخمیوں کو علاج کے لیے فوری طور پر ایجنسی ہیڈکوارٹر ہسپتال خار پہنچا دیا گیا ۔ ابھی تک کسی نے بم دھماکہ کی زمہ داری قبول نہیں کی۔ سیکورٹی فورسز اور انتظامیہ کے حکام بھی جائے حادثہ پر پہنچ گئے ۔ انھوں نے علاقہ میں سرچ آپریشن شروع کیا ہے ۔ مقای لوگوں کے مطابق حکام نے متعدد افراد کو علاقائی ذمہ داری کے قانون کے تحت گرفتار کیا ہے۔ منگل کے روز کالعدم تحریک طالبان نے ایجنسی کے مختلف علاقوں میں ایک پمفلٹ تقسیم کیا تھا جس میں کہا گیا تھا کہ وہ انسداد پولیو مہم میں حصہ لینے والے اہلکاروں کو نشانہ بنائیں گے ۔ پشتو زبان میں لکھی گی پمفلٹ میں عوام سے کہا گیا تھا کہ وہ انسداد پولیو مہم کے اہلکاروں سے دور رہیں۔

22/10/2014 - 11:40:10 :وقت اشاعت