بند کریں
صحت صحت کی خبریںپولیو کے خاتمہ کے لئے نئی حکمت عملی اور ایمر جنسی ایکشن پلان پر مکمل عمل کیا جائے گا‘خواجہ ..

صحت خبریں

وقت اشاعت: 08/11/2014 - 18:23:41 وقت اشاعت: 08/11/2014 - 17:51:08 وقت اشاعت: 08/11/2014 - 17:14:21 وقت اشاعت: 08/11/2014 - 17:14:21 وقت اشاعت: 08/11/2014 - 16:36:45 وقت اشاعت: 08/11/2014 - 16:33:09 وقت اشاعت: 08/11/2014 - 16:33:09 وقت اشاعت: 08/11/2014 - 16:17:16 وقت اشاعت: 08/11/2014 - 15:49:08 وقت اشاعت: 08/11/2014 - 15:44:36 وقت اشاعت: 08/11/2014 - 15:37:05

پولیو کے خاتمہ کے لئے نئی حکمت عملی اور ایمر جنسی ایکشن پلان پر مکمل عمل کیا جائے گا‘خواجہ سلمان رفیق

لاہور(اُردو پوائنٹ تاز ترین اخبار۔ 8نومبر 2014ء ) مشیر وزیراعلی پنجاب برائے صحت خواجہ سلمان رفیق نے کہا ہے کہ پولیو کا مکمل خاتمہ حکومت کی اولین ترجیح ہے اور انسداد پولیو مہم کے مطلوبہ نتائج نہ دینے والے افسران کو ان کے عہدوں سے فارغ کر دیا جائے گا۔ خواجہ سلمان رفیق نے اس سلسلہ میں فوری طور پر تمام ای ڈی اوز ہیلتھ کااجلاس بلانے کی ہدایت کی۔

انہوں نے یہ بات سول سیکرٹریٹ میں پولیو کی صورتحال اور انسداد پولیو کے لئے مائیکروپلاننگ کے جائزہ اجلاس کی صدارت کرتے ہوئے کہی۔ اجلاس میں ڈائریکٹر جنرل ہیلتھ ڈاکٹر زاہد پرویز،ایڈیشنل سیکرٹری ہیلتھ ٹیکنیکل ڈاکٹر سلمان شاہد،ڈائریکٹر ہیلتھ(ای پی آئی) ڈاکٹر منیر احمد،عالمی ادارہ صحت کے پراونشل چیف ڈاکٹر عبدالاسلام،بل اینڈ ملنڈا گیٹس فاؤنڈیشن کے نمائندے ڈاکٹر اسلم چوہدری، یونیسف کے ڈاکٹر رانا مشتاق اور مسٹر آئیون اور روٹری کلب کے سعید ہاشمی نے شرکت کی۔

اجلاس میں 2013 اور 2014 میں چلائی جانے والی انسداد پولیو مہمات کا جائزہ لیا گیا اور مائیکروپلاننگ کے اندر موجود Gaps کو دور کرنے کے لئے اقدامات تجویز کئے گئے۔ خواجہ سلمان رفیق نے ہدایت کی کہ ڈینگی کی طرح انسداد پولیو مہم میں بھی یونین کونسل کی سطح پر عوامی نمائندوں اور علاقے کے معززین کو منصوبہ بندی اور آپریشنل لیول پر شامل کیا جائے۔

خواجہ سلمان رفیق نے کہا کہ پولیو کے خاتمہ کے لئے سخت مانیٹرنگ کی پالیسی شروع کر دی گئی ہے اور اس سلسلہ میں ہر سطح پر سخت اکاونٹیلٹی کا آغاز کیا رہا ہے۔ انہوں نے ہدایت کی کہ پولیو کمپین کی مائیکروپلاننگ انتہائی احتیاط اورتمام پہلوؤں کو ملحوظ خاطر رکھتے ہوئے کی جائے جس کے لئے سوشل موبلائزیشن ضروری ہے۔انہوں نے مائیکروپلاننگ کے Gaps کو دور کرنے کی ہدایت کی۔

خواجہ سلمان رفیق نے کہا کہ پنجاب پولیو ایمر جنسی ایکشن پلان پر سختی سے عمل کرایا جائے گا۔ انہوں نے ہدایت کی کہ آئندہ جمعتہ المبارک کو تمام ای ڈی اوز ہیلتھ کا اجلاس طلب کرکے انہیں پولیو کے خاتمہ کے لئے نئی حکمت عملی اور پالیسی کے بارے میں آگاہ کر دیا جائے ۔ خواجہ سلمان رفیق نے کہا کہ ای ڈی اوز ہیلتھ اپنے ضلع میں پولیو کے خاتمہ بارے جوابدہ ہوں گے۔

08/11/2014 - 16:33:09 :وقت اشاعت