بند کریں
صحت صحت کی خبریں عالمی ادارہ صحت نے پاکستان کو دنیا بھر میں وائرس پھیلانے والا واحد ملک قرار دے دیا

صحت خبریں

وقت اشاعت: 16/11/2014 - 13:40:53 وقت اشاعت: 16/11/2014 - 12:47:28 وقت اشاعت: 15/11/2014 - 23:10:46 وقت اشاعت: 15/11/2014 - 22:37:09 وقت اشاعت: 15/11/2014 - 21:48:59 وقت اشاعت: 15/11/2014 - 21:41:51 وقت اشاعت: 15/11/2014 - 21:22:04 وقت اشاعت: 15/11/2014 - 21:09:04 وقت اشاعت: 15/11/2014 - 21:05:38 وقت اشاعت: 15/11/2014 - 20:42:24 وقت اشاعت: 15/11/2014 - 20:23:11

عالمی ادارہ صحت نے پاکستان کو دنیا بھر میں وائرس پھیلانے والا واحد ملک قرار دے دیا

جنیوا(اُردو پوائنٹ تاز ترین اخبار۔ 15نومبر 2014ء ) عالمی ادارہ صحت نے پولیو سے متعلق نئی ہدایات جاری کرتے ہوئے پاکستان کو دنیا بھر میں وائرس پھیلانے والا واحد ملک قرار دے دیا ہے۔عالمی ادارہ صحت کی ریگولیشن ہیلتھ کمیٹی نے پولیو وائرس پر قابو نہ پانے والے ممالک پر سفری پابندیوں کا اعلامیہ جاری کرلیا‘ پاکستان کو چھ ماہ میں پولیو وائرس پر قابو پانے کی ڈیڈ لائن‘ کیمرون‘ گنی‘ پاکستان اور شام پر سفری پابندیاں بدستور برقرار عالمی ادارہ صحت کی ہیلتھ کمیٹی نے دنیا بھر سے پولیو کے خاتمے کے لئے نئی ہدایات جاری کر دی ہیں جس میں کہا گیا ہے کہ پاکستان واحد ملک ہے جس سے پولیو دنیا میں پھیل رہا ہے، رواں برس جولائی سے اب تک 3 بار پولیو وائرس پاکستان سے افغانستان منتقل ہو چکا ہے۔

بین الاقوامی بیلتھ کمیٹی کی رپورٹ میں حکومت پاکستان سے پوچھا گیا ہے کہ کتنے پاکستانی سرٹیفیکیٹ لے کر بیرون ملک گئے اور کتنے افراد کو پولیو سرٹیفیکیٹ نہ ہونے پر بیرون ملک جانے سے روکا گیا۔بین الاقوامی ہیلتھ کمیٹی نے پاکستان کو 6 ماہ میں پولیو وائرس پر قابو پانے کی ہدایات جاری کرتے ہوئے کہا ہے کہ پولیو سرٹیفیکٹ کے بغیر کسی کو بھی بیرون ملک سفر کرنے کی اجازت نہ دی جائے اور پولیو سرٹیفیکیٹ سے متعلق تمام معلومات فراہم کی جائیں۔

عالمی ادارہ صحت کا کہنا ہے کہ اگر پولیو وائرس سے متعلق دی گئی ہدایات پر عمل نہ کیا گیا تو پاکستانی مسافروں کی اسکریننگ کی جائے گی۔ ۔ اس سے قبل پاکستان سمیت دیگر چار ممالک پر سفری پابندیاں عائد ہیں۔ عالمی ادارہ صحت کی ہیلتھ ریگولیشن کمیشن کا اجلاس چھ ماہ بعد ہوگاواضح رہے کہ رواں برس بھی پاکستان میں پولیو کے 243 کیسز سامنے آ چکے ہیں جن میں سب سے زیادہ تعداد خیبر پختون خوا اور فاٹا کی ہے ۔

15/11/2014 - 21:41:51 :وقت اشاعت