بند کریں
صحت صحت کی خبریںمحکمہ صحت پنجاب اور عالمی ادارہ صحت کی معاونت سے منعقد ہونیوالی تین روزہ انٹر نیشنل ہیلتھ ..

صحت خبریں

وقت اشاعت: 19/12/2014 - 22:32:58 وقت اشاعت: 19/12/2014 - 22:19:52 وقت اشاعت: 19/12/2014 - 22:14:37 وقت اشاعت: 19/12/2014 - 22:12:44 وقت اشاعت: 19/12/2014 - 21:28:56 وقت اشاعت: 19/12/2014 - 21:21:27 وقت اشاعت: 19/12/2014 - 21:13:06 وقت اشاعت: 19/12/2014 - 21:09:32 وقت اشاعت: 19/12/2014 - 20:35:45 وقت اشاعت: 19/12/2014 - 20:31:15 وقت اشاعت: 19/12/2014 - 20:28:32

محکمہ صحت پنجاب اور عالمی ادارہ صحت کی معاونت سے منعقد ہونیوالی تین روزہ انٹر نیشنل ہیلتھ کانفرنس اختتام پذیر ہوگئی،

شعبہ صحت کی خامیوں کو دور کرنے اور اپ گریڈیشن کے لئے جتنے وسائل درکار ہوں گے حکومت فراہم کرے گی‘ خواجہ سلمان رفیق

لاہور ( اُردو پوائنٹ تازہ ترین اخبار۔ 19 دسمبر 2014ء) محکمہ صحت پنجاب اور عالمی ادارہ صحت کی معاونت سے مقامی ہوٹل میں منعقد ہونے والی تین روزہ انٹر نیشنل ہیلتھ کانفرنس اختتام پذیر ہو گئی ۔اس کانفرنس کا مقصد ہیلتھ کیئر سسٹم میں اصلاحات خصوصاً سیکنڈری ہیلتھ کیئر کو مستحکم کرنے کے لئے قابل عمل سفارشات مرتب کرنا تھا تاکہ عوام کو دور دراز کا سفر کر کے اپنے علاج معالجے کے لئے ٹیچنگ ہسپتالوں تک نہ آنا پڑے بلکہ انہیں مقامی سطح پر معیاری طبی سہولیات کی دستیابی کو یقینی بنایا جا سکے۔

اختتامی اجلاس کی صدارت مشیر صحت خواجہ سلمان رفیق نے کی ۔ انہوں نے کہا کہ وزیر اعلی پنجاب صوبے کے ہیلتھ کیئر سسٹم کو جدید خطوط پر استوار کرنے کے لئے ذاتی دلچسپی لے رہے ہیں اور اس سلسلہ میں چیف منسٹر ہیلتھ روڈ میپ پر عملدرآمد جاری رہے ۔خواجہ سلمان رفیق نے طبی ماہرین کو یقین دلایا کہ شعبہ صحت کی خامیوں کو دور کرنے اور اپ گریڈیشن کے لئے جتنے وسائل درکار ہوں گے حکومت فراہم کرے گی ۔

تین روزہ انٹر نیشنل ہیلتھ کانفرنس میں سیکرٹری ہیلتھ پنجاب، عالمی ادارہ صحت ، یونیسف ، یو این ایف پی، یو ایس ایڈ ، ٹی آر ایف ،ڈی ایف آئی ڈی اور دیگر انٹر نیشنل پارٹنرز کے نمائندوں ، منتخب عوامی نمائندوں ،ڈائریکٹر جنرل ہیلتھ پنجاب ، میڈیکل کالجز کے پرنسپلز ، میڈیکل سپرنٹنڈنٹس اور ہیلتھ مینجرز نے شرکت کی ۔عالمی ادارہ صحت ایمروریجن کے ڈائریکٹر ہیلتھ سسٹم ڈویلپمنٹ ڈاکٹر ثمین صدیق نے عالمی ادارہ صحت کے تناظر میں پاکستان خصوصاً پنجاب کے ہیلتھ کیئر سسٹم کے بارے میں تفصیلی اظہار خیال کیا ۔

انہوں نے ہیلتھ سسٹم میں سہولیات کے اضافے کے ساتھ ساتھ کوالٹی پر بھی زور دیا ۔ انہوں نے کہا کہ ہر مریض کو بہتر طبی سہولیات کی دستیابی اس کا بنیادی حق ہے اور معیاری طبی سہولیات فراہم کر کے اخراجات کو بھی کم کیا جا سکتا ہے۔ انہوں نے ہسپتالوں کی کارکردگی کو مانیٹر کرنے کے لئے مضبوط نظام کی تشکیل پر زور دیا -سیکرٹری ہیلتھ جواد رفیق ملک نے انٹر نیشنل ہیلتھ کانفرنس منعقد کرنے میں بھر پور تعاون فراہم کرنے پر عالمی ادارہ صحت کا شکریہ ادا کرتے ہوئے کہا کہ اس کانفرنس کی سفارشات پنجاب کے ہیلتھ کیئر سسٹم کو بہتر بنانے اور مریضوں کے لئے سہولیات میں مزید اضافے کے لئے بہتر اقدامات کرنے میں معاون ثابت ہو ں گی ۔

انہوں نے کہا کہ محکمہ صحت ٹائم لائن طے کر کے ایکشن پلان مرتب کرے گااور یہ سفارشات وزیر اعلی کو منظوری کے لئے پیش کر دی جائیں گی تاکہ ان پر جلد از جلد عملی طور پر اقدامات کا آغاز کیا جا سکے ۔

19/12/2014 - 21:21:27 :وقت اشاعت